رواية عبقري زمانه

✳ رواية عبقري زمانه ✳

‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏1

في إحدي القري الريفيه الصغيره وبالتحديد داخل منزل صغير مبني من الطوب الني كانت تعيش هناك فتاه تبلغ من العمر 16 عاما وهي بطلت قصتنا فتاه ذات شعر اصفر ذهبي وبشره بيضاء وعيون واسعه ذات رموش طويله جسمها ضعيف تلعب مع إخواتها الصغار حتي تعود والدتها من الخارج

وعندما جاءت الام طلبت من ابنتها ان تاتي وتجلس معها لتتحدث اليها في أمر هام يخص الفتاه ودار بينهما الحوار التالي :

الأم : انتي يا بنتي اغلي حاجه في حياتي كلها وانا عمري ابدا ما افكر اني أأذيكي لكن الظروف ممكن تضطرني اني اعمل حاجه مكنتش عاوزه اعملها ابدا

البنت : تقصدي ايه يا امي بالظبط بكلامك ده عاوزه افهم ؟؟

الأم : اللي اقصده بكلامي انه فيه عريس كويس ومقتدر متقدملك وانا موافقه عليه وباخد رايك دلوقتي

البنت باستغراب : عريس .. عريس ايه يا امي انا لسه صغيره اوي علي الحكايه دي

الأم : صغيره ايه بس ده الراجل اللي متقدملك غني اوي اوي وهيعيشك ويعيشنا في نعيم

البنت : لا يا امي ارجوكي انا مبفكرش في الحكايه دي خالص ارجوكي

الأم : طب مش اما تعرفي هو مين الاول ؟

البنت : مش عاوزه اعرف حاجه .. ولا يهمني هو مين مهما كان مش هغير رأيي

الأم بحزن : يا بنتي أنا تعبت من كتر ما بدور علي شغل عند الناس من يوم ما ابوكي مات ومحدش بيرضي يشغلني عشان انا ست كبيره في السن واخواتك محتاجين اكل ومصاريف ده تالت يوم يعدي علينا من غير أكل

البنت : خلاص يا امي ارتاحي انتي وانا هشتغل بدالك انا كبيرت واقدر اشتغل واصرف عليكي انتي وإخواتي

الأم : خلاص يا بنتي مبقاش ينفع الكلام ده..

البنت : يعني ايه ؟؟

وفجاه الباب خبط 🔔

الام بصت لبنتها بكل حزن وقالتلها هتفهمي اما افتح الباب

البنت : لا فاهميني الاول مين اللي بيخبط وعاوز ايه ؟؟

الخبط زاد علي الباب لدرجه انه كان هيكسر الباب

البنت بخووف : ارجوكي يا امي فاهميني ايه اللي بيحصل

الأم بعياط : سامحيني يا بنتي مكنش قدامي حل تاني عشان إخواتك يأكلوا ويعيشوا

وفجأه الباب اتكسر ودخل مجموعه من الرجاله المسلحين واخدوا البنت معاهم والبنت بقت تصرخ وتعيط

البنت : ماما الحقيني مش عاوزه اروح معاهم خليهم يسبوني

البنت فضلت تصرخ لكن بدون فايده وعشان يسكتوها واحد منهم ضربها علي دماغها فقدت الوعي

الام حاولت تمنع الرجاله دي من انهم ياخدوا البنت وقالتلهم سيبوها انا خلاص مش هجوزها رجعت في كلامي

لكن الرجاله دي مردتش عليها وسابولها شنطه فيها فلوس وقالولها كده الاتفاق تم واخدوا البنت معاهم ومشيوا

البنت صحيت لاقت نفسها جوا جناح كبير في قصر ضخم ولابسه فستان ابيض ومعاه بنتين تانين لابسين هما كمان فساتين بيضاء وكله واحده منهم وشها متغطي بطرحتها البيضاء

البنات التلاته بصوا لبعض وهما مش فاهمين ايه اللي بيحصل ودموعهم كانت مغرقاهم

فجأه اتفتح باب الجناح ودخل عليهم راجل كبير في السن طويل ضخم الجسم عمره يعدي 65 سنه

الراجل بصوت عالي : انتوا عارفين انتوا فين وعند مين

البنات بصوت واطي جدا : لا منعرفش

الراجل بنفس نبره الصوت العاليه: انتوا في قصر صاحب القريه اللي انتوا واهليكم عايشين فيها وفي خيره سيدكم الجبالي

وانا قررت اطلعكم من الفقر اللي انتوا عايشين فيه وأجيبكم تعيشوا هنا في القصر عندي و تحت رجلي واهليكم قبلوا وسلموكم ليا

البنات : بقوا يبصوا لبعض وهما خايفين

الراجل : انا دلوقت عاوز اشوف وشكم قبل ما اتجوزكم

و قعد قصادهم وبدا يكشف وش كل بنت منهم

الاولي اما كشف وشها: مش بطاله

التانيه اما شافها حلوه

لكن التالته كان وشها في الارض

الراجل بصوت خشن : ارفعي وشك

البنت بهدوء رفعت وشها

الراجل : بقي قاعد قدامها و بيتامل جمال وشها وحط ايده علي وشها وبص في عنيها وقالها سبحان الخالق انتي اسمك ايه يا حلوه

البنت : ساكته مردتش _____

الراجل بصوت عالي : ما تنطقي إسمك ايه

البنت اتنفضت من مكانها وبصوت كله رجفه : ف .. فا.. فريده

الراجل : اسمعوا يا بنات انا مبحبش اعمل حاجه تغضب ربنا عشان كده لازم اتجوزكم وتبقوا حلالي .. كل كلمه هقولها ترددوها ورايا فاهمين

البنات بخوف ورجفه : فاهمين

الراجل : زوجتك نفسي

البنات : زوجتك نفسي

الراجل : علي سنه الله ورسوله

البنات بصوت واطي : علي سنه الله ورسوله

الراجل برالهم و بصوت خشن : مش سامع علوا صوتكم

البنات بخوف : علي سنه الله ورسوله

الراجل : وعلي الصداق المسمي بيننا

البنات : وعلي الصداق المسمي بيننا

الراجل : انتوا دلوقتي حلالي انا كده اتجوزتكم وبقيتوا من حقي و ملكي

قام الراجل فتح باب الجناح ونده علي احدي خادماته

الراجل : يا ام الخير .. إنتي يا وليه يا ام الخير

أم الخير : نعم يا سي الجبالي

أم الخير سيده ممتلئه الجسم سمراء اللون في عقد الخمسينات من عمرها تضع داخل عينها كحل اسودد تقيل يجعل منظر عينيها مرعب

الرجل : جهزيلي البنات عشان دخلتي عليهم الليله 👀