"Bakit ka nandito?” Asik sa akin ni Tyrone nang mapagbuksan niya ako ng pinto.   “What do you mean?” Nagtataka ko namang tanong sa kanya na humakbang pasulong para sana pumasok na sa condominium unit pero hinarangan niya ako. “Babe?”    “Don’t call me babe.” Matalim ang tingin na sabi ng lalaki at pakiramdam ko ay sinaksak ako ng napakaraming patalim. “Hindi na kita mahal. Umalis ka na!"   Kasabay ng pagbalibag ng pinto ay ang nag-uunahang paglandas ng mga luha ko.   Paanong hindi mo na ako mahal? Hindi ko maintindihan. I deserve an explanation. Ano ba ang nangyayari?  

Wala sa sariling bumalik ako ng Manila at umuwi sa mansion. But to my surprise, I saw my family gathered in the living room. Bihira lang itong mangyari.   "Ma'am Mallory,  kanina pa po nila kayo inaantay." Salubong sa akin ng isang katulong. Tumango naman ako rito bilang sagot.   Nag-alala kaya sila na hindi ako umuwi buong gabi?   Kapapasok ko pa lang ng salas at hindi pa nakakaupo nang sugurin ako ng sampal ni daddy na nanginginig ngayon sa galit.   "Walang hiya kang babae ka! Napakalandi mo. Anak ka na nga ng nanay mo sa pagiging disgrasyada, magpapa-disgrasya ka rin?" Sabay isang sampal ulit sa kabila. "Lalandi ka na lang, iiskandaluhin mo pa ang pamilya ko at puputikan ang pangalan ko!" Sinampal n

Makalipas ang dalawang buwan ay tahimik ang mundo ko. Mas masaya pala kapag malayo sa mga taong nanakit at ayaw sa 'yo. Mas peaceful ang isip at buhay mo. Kahit may mga ilang tao ang nakakakilala sa akin at nangungutya ng dahil sa video scandal.   "Hija, naibenta ko na ang mga naani nating mga gulay," bungad sa akin ni Tata Rico nang pumasok siya sa bahay na pinatayo ko sa nabili kong lupa dito sa North Luzon. Gamit ang maliit na ipon ko mula sa pagtatrabaho sa kumpanya ni Lolo Victor.   "Sige po. Kumain na po muna kayo," sabi ko at ngumiti sa matanda. "Nanay Martha, nandito na po si Tata Rico." Tawag ko sa asawa ng matandang lalaki.   "Sandali. Nariyan na," sagot nito mula sa kusina.   "Tulungan ko na po kayo," sab

Caleb's POV   Hindi ko alam kung bakit pero nakakaramdam ako ng kaba at takot para sa bata na nasa sinapupunan ng babae. Ang babaeng biglang naglaho na parang isang bula simula nang pumutok ang maselang video namin sa social media. Tinakbuhan at pinagtaguan pa nga niya ang mga tauhan ko. Hindi rin nagpakita ng dalawang buwan.   Pinagmasdan ko ang babae at walang malay pa rin ito. Nakakaakit ang mukha nitong maamo at hindi mo maipagkakaila ang taglay nitong ganda na kay sarap titigan. Ganitong-ganito rin ang unang beses ko siyang makita na nakahiga sa kama ng inupahan kong suite room sa hotel resort sa North Luzon.   Katatapos ko lang maligo nang may maaninag akong babae na nakahiga sa kama ko mula sa ilaw na nagmumula sa banyo.    N

Mallory's POV "Mabuti naman gising ka na, Mallory." Napalingon ako sa nagsalita, si Lolo Victor pala. Binitawan ko ang hawak na kutsara at tinidor dahil lalo akong nawalan ng gana kumain nang makita ko na nakangiti ang matandang ito. Wala na ngang lasa mga pagkain dito, may bwisita pa. "Kumain ka ng marami, hija. Magpalakas ka para hindi malaglag ang bata sa sinapupunan mo at maging malusog. Huwag mo pabayaan ang pagbubuntis mo." Naikuyom ko ang kamao ko. Alam ko na ang patutunguhan ng sasabihin nito dahil sa tono pa lang ng pananalita niya. Mabait lang naman ito kapag may kailangan o may nagawa akong pabor sa kanya. "Iyan ang magiging alas ko para pakasalan ka ni Lewis. Sa wakas mababawi ko na rin ang mga nawala sa akin at dahil iyon sa iyo, Apo." Tumawa pa ito ng malakas at hinagod ang ulo ko nang makalapit siya sa akin. "May silbi ka rin naman pala kahit papaano," dugtong pa nito. Napangiwi at nagpanting ang tainga ko sa huling sinabi nito. Tumingin ako dito ng matalim at nagwi