Mabilis ang mga pangyayari parang nagmamadali si Greyson. Hindi pa ako pumapayag kitain ang pamilya niya, sinabi ko sa kanya na hindi pa ako mentally ready lalo pa at nasa force-marriage ang dating namin ngayong dalawa. Itinuring naman niya ako ng tama, babae, at may respeto naman siya kompara sa iniiisip ko sa kanya. Though, hindi naman ganoon kabilis makikilala ang isang tao. Maaaring ganito lamang siya dahil hindi pa kami kasal, hindi pa niya nakukuha ang kanyang gusto, at kung ano man ang tunay niyang anyo ay bahala na. Wala na akong pakialam kung lumabas siyang demonyo pagtapos ng kasal. Kung maging mapanakit siyang lalaki sa ‘kin, wala na rin akong pakialam. Bagsak na bagsak na ang pakiramdam ko at wala na akong makakapitan. Gusto ko na lang mabuhay ang batang ito at maging masaya ang magulang ko. Hindi na bale kung anong danasin ko, sumuko na rin naman ako. Katulad nang sinabi ko sa kanya ay gusto kong maging pri