"Nagagalak ako dahil pinaunlakan niyo ang imbitasyon ko." ani Vinnencio sa kanila habang sila ay nasa hapag-kainan at kumakain. Masasarap ang mga pagkain na nakahain at mukhang ipinaluto iyon sa magagaling na chef. Ngumiti si Jarred."Opo, wala naman pong dahilan para hindi ko paunlakan ang imbitasyon niyo, Mr. Vinnencio. Ikinagagalak din po namin na makaharap at makasalo sa hapag-kainan ang isang kilalang negosyante. Isa itong karangalan." sagot niya. Ngumiti lamang si Mr. Vinnencio at ipinagpatuloy na ang pagkain. Tiningnan niya sa gilid ng kaniyang mata si Vincyll, nakita niya ang pagngiti nito kay Jasmine. Sinulyapan niya si Jasmine at nahuli niyang nakangiti ito kay Vincyll. Hindi na lang niya iyon binigyan ng malisya, dahil wala naman masama roon. Pero bakit parang may kutob siyang hindi maganda? Isinawalang-bahala na lamang niya iyon at itinuon ang pansin kay Jasmine."Baby, gusto mo pa ba?" tanong niya. Natigilan ito at sinulyapan siya. Tumango ito."Oo, baby. Gusto ko pa."
Read more