Semua Bab THE CONGRESSMAN'S MISTRESS: Bab 21 - Bab 30

PASADO ALAS-DIYES na ng gabi. Umaambon kanina pero nawala rin at pumalit ang malamig na simoy ng hangin mula sa direksiyon ng kalakhang bahagi ng iilang unexploited rainforests ng Gallero. Tiningala ni Celso ang buwan na kanina lang ay tila dalagang nahihiya at nagtago sa likod ng makapal na ulap. Inalog niya ang inumin sa loob ng baso kasama ang ice cubes at dinala sa bibig. Ibinuhos para sa isang lagok. Kaharap niya sa pabilog na wine table sina Harry at Ryan. Si RJ ay pasaglit-saglit lang doon. May pinagpupuyatan itong bagong house bill na ihahain nito sa kongreso sa susunod na regular session. Sila na lang ang naiwan pagkatapos ng boodle fight kanina kasama ang buong team ng security. Bumalik na sa trabaho ang ibang naka-assign sa field, mga moving guard at ang mga bantay sa gate. Bawal sa mga itong uminom at maglasing kapag oras ng trabaho. Mahigpit niyang ipinatutupad ang batas na iyon. "Malutong na iyang edad mo, Celso. Wala ka pa bang balak lumagay sa tahimik?" komento ni R

"LUMAYAS ka! Layas!" singhal ni Aling Renata kasunod ang sampal na nagpatulig kay Rosela. "Tiya..." naiiyak na sambit ng dalaga, tutop ang kanang pisngi. Natatakot siya sa poot na nakikita sa mga mata ng tiyahin. Pero kung aalis siya, saan siya pupunta? Kina Celso? Hindi ba siya magiging pabigat doon? May dalawang kapatid ang lalaki na pinagpaaral nito bukod sa ito pa ang bread winner sa pamilya. Dadagdag ba siya roon?Pwede siyang humingi ng tulong kay RJ, alam niyang hindi siya papabayaan n'on. Kaya lang magkikita pa rin sila roon ng tiyahin niya. "Renata," si Mang Lando, ang tiyuhin niya. Umahon sa kahoy na sofa ang lalaki at nilapitan ang asawa. "Pag-usapan ninyo ng maayos iyan. Dalaga iyang si Rose, normal lang ang magkaroon ng boyfriend sa ganyang edad."Pero hindi ito pinansin ng tiya niya, bagkus ay hinaklit siya sa braso at nagmartsa patungo sa silid niya. Kinakaladkad siya. "Sabi ko naman kasi sa inyo, hindi iyan makakatapos ng pag-aaral. Siguradong mabubuntis iyan. Pina

NAG-ANGAT ng mukha si Rosela mula sa sinusulat na outline para sa parating nilang final exam. Nilingon niya ang gawi ng dalawang kaklaseng babae sa bandang likuran. Nag-uusap ang mga ito at narinig niyang binanggit ni Rutchie ang pangalan ni Celso."Kainis talaga ang lalaking iyon. Magbibigay lang naman ako ng chicken lasagna kay RJ tapos hinarang ako at pinagbawalang lumapit. Ano'ng akala niya, may lason ang pagkaing dala ko?" maktol ng babae."Alam mo nagdududa ako sa lalaking iyan, palagay ko bakla siya. Ayaw kasing umalis sa tabi ni RJ. Sunod nang sunod, parang aso. Naalala mo noong may event sa stadium? Nakita ko siyang yakap si RJ habang palabas sila. Para bang takot na hawakan ng iba 'yong kaibigan niya," pakli ni Barbara."Tingin mo bakla talaga si Celso? May narinig kasi akong usap-usapan na ganoon, taga-ibang school daw ang nagsabi." "Baka totoo.""Nakita mo bang may girlfriend siya? Balita ko pa nga itinataboy niya 'yong mga babaeng gustong makipagkaibigan." "Pero di ba,

NABAWASAN ang agam-agam ni Rosela tungkol sa pagkalalaki ni Celso. Sa mahigit isang buwan nila sa bagong tirahan ay hindi siya ginutom ng binata sa pagkain o sa kama. Pumapalya lang ito tuwing fertile siya at mas magaling pa itong magbilang sa kalendaryo kaysa sa kaniya. At dahil feel na feel na niya ang pagbukod nila, nag-iisip na rin siyang magkaanak. Nawiwili siya sa pagbrowse ng mga infant outfit sa online stores at nai-imagine niyang isa sa mga iyon ay suot ng anak nila ni Celso."Tapos ba ba kayo sa pag-decorate roon sa verandah?" tanong ng head servant sa ilang kasambahay na nasa ibaba ng hagdanan.May malaking ganap bukas kaya abala sila. Tumulong din siya sa paglilinis at marami naman sila kaya madaling natapos. May usapan sila ni Celso ngayon na dumaan sa boutique para makabili siya ng dress para bukas. "Sobra na 'yong motorbike na binigay mo, RJ." "Reward mo iyon dahil sa magandang performance. Ano iyan, protection? Kailangan mo ba talagang magsuot niyan?" Naudlot siya

HINDI hinayaan ni Rosela na talunin siya ng pagdududa. Nasa tamang edad na siya para lamunin ng negatibong dikta ng kaniyang utak. Kahit pa may posibilidad na gumaganti lang si Celso, tatanggapin niya ang lahat dahil may kasalanan siya na dapat pagbayaran. Dumaan siya ng palengke at bumili ng mga lulutuin niya para sa hapunan. Pagkauwi ng apartment ay inabala niya agad ang sarili sa paghahanda ng makakain. Pasado alas-sais nang dumating si Celso, sakto lang na tapos na siyang magluto. Masigla niyang sinalubong sa may pintuan ang lalaki. "Nag-grocery ka?" Natuon ang paningin niya sa grocery bags na bitbit nito. "Dumaan na ako." Hinagkan siya nito sa noo. "Namalengke rin ako. May hinatid kasi ako roon sa city hall." Bumuntot siya rito patungong kusina. "Gutom ka na? Maghahain na ako." "Sige, babalik pa ako ng mansion. May inutos si RJ." Nilapag nito sa counter ang grocery bags. Gumana naman agad ang utak niya. Sa mansion kaya ito pupunta o kay Roxanne? Agad niyang inalis sa utak