UMALIS si Elina, bitbit niya ang kambal na apo at iniwan si Elorda na kumakain ng agahan. Dumiretso siya sa labas kung saan andoon ang asawa niya at si Erros. "Inay, gusto ko lang makausap si Ate Elorda. Pagbigyan n'yo na ako," ang pakiusap ni Elaine habang patingin-tingin sa pintuan. "Anak, hindi ka na kasi dapat nagpakita rito. Saka, paano mo nalaman kung saan nakatira ang kapatid mo?" usisa ni Elina. Napatingin si Elaine kay Erros. Sa paraan ng tingin na iyon ay nakuha na nila ang sagot, na si Erros ang nagsabi ng kinaroroonan ni Elorda. "Maayos na ang Ate Elorda mo, kasama ni kambal. 'Wag mo na guluhin pa siya," sabi pa ni Elina. Lumapit sa kanya ang bunsong anak at kinuha ang isa sa kambal. "Hindi ko siya ginugulo. Ang gusto ko lang ay makausap siya. Magpapaliwanag lang po ako at para matapos na ang galit niya sa akin," pangungumbinsi ni Elaine sa ina. Pumagitna na si Sicandro sa pag-uusap ng kanyang mag-ina. "Elaine, hindi ka ba mapapakiusapan? Ang Inay mo na ang nagsasab
Last Updated : 2025-09-08
LOGIN
