All Chapters of FROM OLD MAID TO BILLIONAIRE'S WIFE: Chapter 181 - Chapter 190

HINDI nakapagsalita si Elaine. Sobra ang galit ng kapatid niya sa kanya. Alam niya ang lahat ng kasalanan niya. Pinagsisisihan na niya ang mga ginawa niya sa kapatid. "A-Ate Elorda, mali 'yon. Hindi ko gustong agawan ka ng asawa. Hindi ko iyon magagawa sa'yo..." Napataas ang sulok ng labi ni Elorda. Parang nagpapatawa si Elaine sa sinasabi nito. "Nagawa mo na, Elaine! Kaya nga nakuha mo si Harry noon, hindi ba?" Ilang taon na ang nakakalipas pero hindi pa rin niya makalimutan ang ginawang pagtraydor ni Elaine sa kanya. Hinayaan na niya at pinaubaya noon si Harry. Pero ang ginawa nito sa kanilang mag-asawa ay hindi na niya mapapalampas. "Ate, aaminin ko na nagkamali ako noong kinuha ko si Harry sa'yo. Pero si Kuya Jav, mahal na mahal ka niya. Hindi ko siya magawang makuha sa"yo dahil sa puso niya ikaw lang ang babae para sa kanya!" May diing sabi ni Elaine. Natigagal si Elorda. Hindi niya magawang makaimik. Napatulala lang niyang nakatingin kay Elaine. "Humihingi ako ng tawad hi

KITANG-KITA ni Jav ang lahat. Napanood at narinig niya naging senaryo sa labas ng tinitirhan ng kanyang asawa. Hindi na niya alam kung paano mapapaamo si Elorda, gayong naging sagad ang galit nito sa kaniya at kay Elaine. Naging sarado na ang isip at puso ng kanyang asawa. Nararamdaman ni Jav na unti-unti siyang nawawalan ng pag-asa. Paulit-ulit na bumabalik sa isip niya ang mga panahong masaya pa silang magkasama. Ang mga ngiti at tawa ni Elorda na siya mismo ang dahilan. Ngunit ngayong puro poot at pagdududa na lamang ang nasa mga mata ng asawa, pakiramdam niya’y wala na siyang puwang sa puso nito. Gusto niyang lapitan, yakapin at ipaliwanag ang lahat. Pero alam niyang baka lalo lang siyang kamuhian ng asawa. Ang bawat kilos niya ay nagiging mali sa paningin ni Elorda. Sa kabila ng lahat ay hindi niya matanggap na tuluyang mawawala ito sa buhay niya. “Paano ko pa mababawi ang lahat?” bulong niya sa sarili, habang pinagmamasdan mula sa malayo ang babaeng kanyang minamahal. Bi

PUMASOK si Elina sa loob ng kuwarto ng anak niyang si Elorda. Kakausapin niya ng masinsinan ang kaniyang panganay. Nadatnan niya si Elorda na nakaupo sa gilid ng kama. "Alam ko na masama ang loob mo sa kapatid mong si Elaine at naiintindihan ko na nasasaktan ka sa lahat. Higit sa lahat ikaw lang ang nakakaalam ng kung anong makakabuti sa'yo at sa mga anak mo. Pero sana maisip mo na, kawawa rin si Jav. Nasasaktan din siya, hindi lang ikaw, anak..." "Inay, hindi po madali ang magpatawad. Dalawang beses na ginawa ni Elaine sa akin. Parang lahat na lamang ng mga lalaking minahal ko gusto rin niya. Gusto niyang mapasa-kanya. Kahit na kapatid ko siya, hindi ko na kayang ipagbalewala 'yon. Nakuha na niya si Harry sa akin noon, 'wag pati si Jav," mahabang litanya ni Elorda na halata pa rin ang hinanakit para sa kanyang kapatid. Nasira na ang pamilya niya. Iyong binuo at ipinaglaban niya. Kaya, paano niya mapapatawad si Elaine? Napabuntong-hininga si Elina at dahan-dahang lumapit sa anak.

HUMINGA si Elaine nang malalim. “Ate, humihingi ako ng tawad sa lahat. Alam kong hindi sapat ang sorry pero magsusumikap akong patunayan na iba na ako. Mahal ko ang pamilya natin. Mahal mo si Jav. Hindi ko intensyon ang sirain ang pamilya mo. Nais kong bumawi sa'yo, mapatawad mo lang ako." Nangilid ang mga luha ni Elaine habang nakatingin kay Elorda. Si Elina ay umiiyak na rin, hindi sa galit kundi sa pag-asa. Habang si Elorda ay may luha rin sa mga mata pero matatag ang pananalita. “Kung babawi ka, Elaine, hindi dahil para bumalik sa dati. Babawi ka para sa amin at para sa sarili mo. May mga hangganan ako ngayon. Huwag mong asahan agad na malilimutan ko. Bigyan mo muna kami ng espasyo, pero ipakita mo na seryoso ka sa mga salita mo." Huminga nang malalim si Elaine at dahan-dahang tumayo. “Salamat, Ate. Hindi ko hahayaang masayang muli ang ibinigay mo sa akin na pag-asa. Alam ko naman kung gaano kahirap sa'yo ang patawarin ako. Walang salita ang maari kong sabihin para mabawasan

NAGKATINGINAN ang lahat sa isa’t isa, tila may liwanag nang sumilay sa madilim na paligid na bumabalot sa pamilya nila Elorda. “Magpahinga ka na, Elorda,” malumanay na sabi ni Elina. “Bukas, maaga tayong aalis. Ayokong pagod ka na haharapin mo si Jav.” Tumango si Elorda, sabay yakap muli sa ina. Ramdam niya ang init at lakas mula sa yakap na iyon na para bang nagsasabing hindi siya nag-iisa sa laban na ito. “Ate, anuman ang mangyari, kakampi mo ako. Kung sakaling masaktan ka ulit, nandito ako. Kami nina Itay, Inay at Erros," sabat ni Elaine. Napangiti si Elorda, hinaplos ang pisngi ng kapatid. “Salamat, Elaine. Sapat na na naririnig kong sinasabi mo ’yan.” Nagpatuloy ang gabi sa tahimik na paghahanda. Habang ang lahat ay abala, si Elorda nama’y nakaupo sa gilid ng kama, hawak ang litrato nilang mag-asawa. Pinagmasdan niya ang ngiti ni Jav sa larawan, at sa kauna-unahang pagkakataon matapos ang mga araw ng sakit, nagdasal siya nang taimtim. “Panginoon, bigyan N’yo po ako ng lakas