Semua Bab Loveless Deal with the Cold-Hearted CEO: Bab 1171 - Bab 1180

Akala ng staff ng Ayala Bay Resort ay may taong nalunod nang sunod-sunod na huminto sa tabi ng dalampasigan ang tatlong sasakyan ng IronGate.Bumaba mula sa mga iyon ang anim na tauhang may dalang diving equipment, underwater metal detector, at iba pang gamit sa paghahanap. Maging ang ilang manggagawa sa resort ay napatigil sa ginagawa upang tingnan ang operasyon.Lumapit kay Damon ang team leader.“Sir, saan ninyo huling nakita ang nawawalang bagay?”“Sa pagitan ng pampang at ng buoy. Nasa zipper pocket ko iyon bago kami lumangoy.”Napakamot sa batok si Theo. “Bro, parang sobra naman ito para sa isang singsing.”“Hindi ito basta singsing.”Bago pa makapagtanong ang lalaki, lumabas mula sa villa sina Fiona, Felicity, at Dra. Marissa. Nakatutok kay Felicity ang tingin ni Damon habang bumababa ang mga ito mula sa veranda.Gusto niya itong lapitan at tanungin kung ano ang sinabi ng doktor. Ngunit bago siya makakilos, napansin ni Felicity ang mga diver na papunta sa dagat.“Ano’ng nangyay

Dalawang malinaw na guhit.Inikot ni Damon ang maliit na test kit upang hanapin kung may paliwanag sa likod. May markang hCG sa hawakan, ngunit wala siyang ideya kung para saan iyon.“Ano ito?”Mabilis na inagaw ni Felicity ang test kit at ibinalik sa maliit na pouch.“Wala.”“May dalawang guhit.”“Marunong akong magbilang.”“Anong klaseng test iyon?”Isiniksik nito ang pouch sa handbag at isinara ang zipper. “Mahilig ka na ring makialam sa gamit ng babae?”“Hindi ko pinakialaman. Nahulog iyon sa harap ko.”“Pero hindi ibig sabihin niyon na kailangan mong pulutin at suriin.”Naunang naglakad si Felicity patungo sa SUV. Sumunod si Damon.Pagkasakay nila, ipinatong ni Felicity ang handbag sa kandungan nito at humarap sa bintana.Hindi pinaandar ni Damon ang sasakyan.“Mag-usap tayo.”“Wala tayong pag-uusapan.”“Meron.” Humarap siya rito. “Kanina, nagtapat ako ng feelings sa ’yo.”“Kailangan ba nating balikan iyon?”“Oo.”“Unli ka ba?” iritableng tanong ni Felicity. “Ilang ulit mo nang s

“Sinong kausap mo?” tanong ni Felicity.“Si Julian.” Mabilis niyang ibinaba ang cellphone. “Ayokong ipahalata sa kanya na malaki na ang utang na loob ko. Ilang araw ko na siyang inuutusang maghanap ng kung ano-ano.”“Hindi ka naman nahihiyang utusan siya.”“Kaibigan ko iyon. Trabaho niyang tiisin ako.”Ilang segundo siyang tinitigan nito bago bumalik sa loob ng villa. Sinundan niya ito ng tingin habang pinipigilan ang buntong-hininga.Muntik na siyang mabuking.Wala pang isang oras ang lumipas nang dumating ang isang empleyadong may dalang malaking mangkok ng puting halo-halo. Kasama nito ang chef na gumawa ng kakaibang order.“Buko, macapuno, puting nata de coco, kaong, gatas, at vanilla ice cream po,” paliwanag ng chef. “Wala pong makulay na sangkap.”“Wow. Nakahanap ka nga.”Isa-isang tinikman ni Damon ang mga sangkap bago inilapit kay Felicity ang mangkok.“Ano’ng ginagawa mo?” tanong nito.“Tinitiyak kong pasado sa panlasa mo.”“Baka maubos mo.”“Marami pa raw sa kusina.”Kumuha

Tiningnan ni Felicity ang maliit na invitation bago nagpalipat-lipat ang tingin kina Stefie at Prince. Magkatabi ang dalawa, ngunit habang malawak ang ngiti ni Stefie, tuwid na tuwid naman ang tindig ni Prince. Para itong napipilitan lang.“Is this a joke?” tanong niya.“Totoo nga, hawak mo na ang ebidensya.”Napatingin si Felicity kay Prince. “Kusa?”“Of course!” sagot ni Stefie para rito.“Blink twice kung kailangan mo ng tulong,” pabirong sabi ni Felicity kay Prince.Napairap si Stefie. “Batiin mo na lang kami!”Natawa si Felicity at niyakap ang kaibigan.“Congratulations. Hindi ko talaga inasahang hahantong kayo rito.”“Kami rin,” sagot ni Stefie na natatawa. “Pero may mga bagay talagang nangyayari kahit hindi mo pinaplano.”Pagkabitaw niya rito, humarap siya kay Prince. Hindi sakit ang naramdaman niya habang nakatingin sa lalaking minsan niyang inakalang makakasama habangbuhay. Pagkagulat lamang dahil alam niyang ni hindi magkasundo ang dalawa. Hindi siya kumbinsido sa kasal ng da

Napakunot ang noo ni Felicity. Napakadali para kay Damon na sabihin iyon na para bang walang annulment papers na namagitan sa kanila. Para bang mabubura ng isang yakap ang lahat ng pagkakataong itinulak siya nito palayo.“Hindi tayo hiwalay sa papel,” sabi niya. “Pero hindi ibig sabihin napatawad na kita.”Nawala ang ngiti ni Damon. “Hindi ko hinihinging patawarin mo ako ngayon. Bigyan mo lang akong pagkakataong patunayan sa ’yo ang pag-ibig ko.”“Alam mo, kapag ikaw ang nagsasabi, parang isang malaking joke.”Kumirot ang dibdib ni Felicity nang makita ang sakit na dumaan sa mukha nito. Gayunman, hindi umiwas si Damon sa kanyang tingin.“Alam kong kasalanan ko kung bakit hindi ka naniniwala.” Lumapit ito, ngunit pinanatili ang sapat na distansiya sa pagitan nila. “Kaya hayaan mong itama ko.”“Paano?”“Puwede ba kitang ligawan?”Napakurap siya. “Mag-asawa na tayo.”“Iyon nga ang problema. Pinakasalan kita nang hindi man lang kita niligawan.” Huminga si Damon nang malalim. “This time, le