All Chapters of رواية بين عالمين : Chapter 1 - Chapter 10

مقدمة الرواية ​"​"أنت فاكر إنك بتشوف الحقيقة يا آدم؟ فاكر إن حياتك اللي بتخلص بين زحمة المترو وهموم الورق وقلق بكرة هي دي 'الدنيا'؟ تبقى غلبان. أنا جيت لك من ورا حدود عقلك، من مكان النار فيه ليها صوت، والضلمة فيه ليها هيبة. أنا 'أرينا'.. الملكة اللي لمّت شتات ممالك الجن تحت صولجانها، اللي خلت الجبابرة يوطوا روسهم عشان يلمسوا طرف توبي.​بس الغدر يا بني آدم ملوش دين، وفي ليلة كانت ريحة الخيانة فيها أقوى من ريحة المسك، لقيت مملكتي بتتسحب من تحت رجلي والسيوف بتقطع في لحم ولائي.. مكنش قدامي غير 'مقامرة' أخيرة، شقيت بيها بوابات الزمن ورميت روحي في عالمكم 'البارد' ده.​صحيت ورا قشرة 'مراية حمامك' القديمة.. شفتك وأنت بتبص لوشك التعبان وبتحلم بحياة أحسن، من غير ما تعرف إن قدرك واقف ورا الإزاز بيراقبك. ضحكت من قلبي.. الملكة اللي وحدت عروش النار، مصيرها بقى مرهون بشاب بشري كل سلاحه في الدنيا هو 'صبره' على حاله!​أسمع يا آدم.. أنا مش ضيفة عندك، أنا 'قدرك' اللي ملوش مهرب. البوابة اللي رمتني هنا سابت وراها أثر، والكلاب اللي نهشت في ملكي هناك، بدأوا يشمشموا على ريحتي في حواري القاهرة. اللعبة كبرت

آدم صحي على إحساس غريب بالهدوء. فتح عينه لقى أرينا واقفة قدام شباك الأوضة، ملامحها كانت رجعت لها الهيبة الملكية المرعبة، والهالة الذهبية اللي محاوطاها كانت بتشع قوة وثبات. مكنتش أرينا الضعيفة بتاعة امبارح، دي بقت "الملكة" اللي استردت عرشها ومستعدة تحرق الدنيا عشان تحمي آدم.​آدم اتعدل في سريره وهو مبهور، لسه هينطق، فجأة.. الباب الخارجي للفيلا اتنفض بخبطة هزت البيت كله!​نزل آدم بسرعة وفتح الباب، لقى قدامه "عاصم الخولي"، منافسه اللدود، واقع على ركبه ومنهار تماماً، وأول ما شاف أرينا وراه، صرخ وهو بيترعش:​"أنا جيت أسلمك كل حاجة يا آدم.. بس قول لها تشيل النار اللي بتاكل في عقلي دي!"​أرينا قالت ببرود وهي بتبص لعاصم:​"ده اللي كان بيحاول يهد كيانك يا آدم.. خليته يشوف جحيمه وهو نايم، فجيه يرمي ملكه تحت رجلك."آدم بص لأرينا بنظرة فيها مزيج من الذهول والخوف.. هو محكلهاش ولا كلمة عن "عاصم الخولي" ولا عن الحرب اللي كان عاصم بيشنها عليه في السوق عشان يكسره، لكن أرينا، برغم كل اللي مرت بيه من تعب وحرب واسترداد طاقة، كانت عينيها وقوتها قارية كل تفصيلة في حياة آدم، كأنها كانت معاه في كل لحظة ضيق.

ساحة القصر كانت عبارة عن طاحونة لحم؛ السيوف بتخبط في بعضها، وصيحات الجن المتمردين مالية المكان. أرينا كانت واقفة في قلب المعمعة، سيفها بيلمع زي البرق، بتدافع عن مملكتها وعن "آدم" بكل قوتها، مكنتش مجرد ملكة، كانت "إعصار" بيمسح أي حد يقرب من جوزها.​في وسط الزحمة دي، ظهر "محارب"، ابن زاركال.. كان نسخة مصغرة من أبوه في الغدر والشر. شاف أرينا مشغولة في القتال مع مجموعة من المتمردين، فاستغل الفرصة وانسل زي التعبان من وراها، ورفع خنجره المسموم وهو بيضحك ضحكة صفراء عشان يغرسها في ضهرها ويخلص الحكاية.​لكن آدم مكنش بشر عادي خلاص.. عينه الذهب كانت شايفة الساحة كلها وكأنها خريطة مكشوفة. قبل ما محارب ينزل بالخنجر بمليمتر واحد، آدم انقض عليه بـ سرعة مفيش عين بشرية ولا جنية تقدر تلمحها. وبصوت زي زئير الأسد، نزل بسيفه الاسود "هبدة" واحدة شقت الهواء وشقت جسم محارب نصين من أول راسه لحد وسطه.​جثة محارب وقعت في الأرض وهي لسه بتترعش، والدم الأسود غرق الرخام. زاركال اللي كان طاير فوق وبيرقب المشهد، اتصدم.. الصرخة اللي طلعت منه هزت الجبال المحيطة، صرخة وجع وغل على ابنه اللي اتدبح قدام عينه في ثانية.​نزل

صوت "البوق" اللي شق السما كان لسه رنينه بيهز جدران الجناح الملكي، رنين بيحسسك إن الأرض نفسها بتصرخ. آدم قام من مكانه ونفسه متهدج، لقى أرينا واقفة في نص الأوضة بشموخ مرعب، الوهج اللي خارج من بطنها بيزيد مع كل نبضة، وعينيها تحولت لكتلتين من الذهب الصافي. الباب اتفتح بهبدة عنيفة، ودخل باروس وهو بيجري كأنه طالع من حفرة نار، درعه متخبط ووشه شاحب من الصدمة. ​باروس (بصوت مخنوق): "مولاي! يا ملكة أرينا! الجبال السوداء انشقت وطلعت كل المطاريد والمتمردين اللي اتنفوا من سنين! الساحة تحت بقت بحر من الرؤوس والسيوف، والكل بيصرخ بموت العهد الجديد قبل ما يكمل!" أرينا مأدتش فرصة للرعب يسكن المكان، في ثانية كان الدخان البنفسجي لف جسمها وحولها لـ "إلهة حرب" بفستان أسود مشقق، وسيفها "البتار" طار ليدها وبدأ يطلع منه فحيح مرعب. ​أرينا (بزئير هز أركان القصر): "فاكرين إن الملكة ضعفت؟ فاكرين إن ليلتي مع آدم سحبت مني جبروتي؟ باروس.. افتح بوابات الجحيم! أي حد يقرب من السور، اقطعوا راسه وارموه في الغبار!" آدم شاف "الغل" في عينيها والخوف في عين باروس، وحس إن السيف النهاردة هيخسرهم جيش كامل ممكن يبنوا بيه

بدأت الحشود في مملكة الثلج تتجمع في الميدان الأعظم، صمت رهيب خيم على المكان، مبيقطعوش غير صوت الرياح اللي بتصفر بين قلاع الكريستال. آدم كان واقف في المنتصف، بهيبة طاغية خلت كل الرقاب تنحني له، وعن يمينه أرينا بنارها الذهبية اللي بتشع من عينيها، وعن شماله سولار بتاجها الجليدي الماسي. ​سولار خدت نَفَس طويل، ورفعت صوتها اللي هز أركان الجبال: ​"يا شعب الجليد.. اسمعوا وعوا. من اليوم، آدم هو إمبراطور الممالك الخمس الموحدة. هو الرجل الذي اختاره قلبي، وهو أب لابني القادم، وأب لابن الملكة أرينا. نحن اليوم دم واحد، ومصير واحد، وتحت راية واحدة.. واللي عنده اعتراض أو كلمة، ينطق دلوقتي!" ​ساد صمت مرعب، مفيش عين قدرت تترفع في عين آدم. وبمجرد ما الإعلان خلص، اتحرك الثلاثة لداخل القصر، ومشيوا في الممرات الهادية لحد ما وصلوا لأوضة عرش سولار.. نفس المكان اللي "سحرت" فيه آدم، وخلته ينسى نفسه ويخون أرينا في ليلة غاب فيها عقله تحت تأثير سحرها وشريطها المسحور. ​أول ما آدم دخل الأوضة، وقف مكانه فجأة. عينيه اتثبتت على المكان اللي حصلت فيه الواقعة، وشريط الليلة دي بدأ يعدي قدام عينه بسرعة البرق؛ صورته وهو