All Chapters of خاضعات لعرش السيوفي: Chapter 41 - Chapter 50

مرّ أسبوع كامل على تلك الليلة التي ذابت فيها الحصون واشتعلت فيها المشاعر بين ياسين ورانيا. أسبوع حمل في طياته هدوءًا ظاهريًا، لكنه كان أشبه بالهدوء الذي يسبق الإعصار. ​في قصر العزايزي، كانت ليلى ما تزال متحصنة خلف جدار كبريائها العالي، ترفض التواصل المباشر مع ياسين أو الرد على محاولاته لبلّ ريق الشمل بكلمة. ورغم هذا الصمت الجاف، لم يكن ياسين بعيدًا عنها؛ كان يتابع خطواتها، يراقب صمتها وشموخها من خلال حالاتها على الواتساب ومنشوراتها المقتضبة على الفيسبوك، تلك المنشورات التي تعكس سيدة أعمال صلبة تنتزع نجاحها من قلب الوجع. ولم يكتفِ بذلك، بل كان على اتصال دائم بأبيها "مراد العزايزي" يطمئن منه على أحوالها، ويستشف من نبرة صوته الحكيمة ما تخفيه ابنتُه خلف ملامحها الكلاسيكية الهادئة. مراد كان دائمًا يردد له جملة واحدة: "اصبر عليها يا ياسين.. جرح الكبرياء والغيرة عند ليلى محتاج وقت، بس خدي بالك من السوق، ريحة الحيتان القديمة بدأت تظهر." ​في صباح يوم جديد، كان القلق والترقب سيدا الموقف. اليوم هو الموعد المحدد للتجهيزات النهائية في الشركة قبل الافتتاح الرسمي وحضور الموظفين الجدد الذين تم تع

في العتمة الكحل اللي بلعت القاعة، صوت "تكة" السلاح مأخدتش ثانية.. وراها عل طول انطلق صوت طلقة مكتومة "بفففـت"، طارت في الهوا وقطعت السكون المرعب. ​ليلى صرخت بأعلى صوتها وهي بتمسك في قميص ياسين، ورانيا لفت بضهرها وحوطت بطنها وهي بتكتم نفسها من الرعب. ياسين مأخرش، وبحركة سريعة زي البرق حدف بجسمه قدامهم هما الاتنين عشان يكون هو السد المنيع اللي يتلقى الضربة.. بس الرصاصة موصلتلهوش. ​في نفس جزء الثانية، كان فيه جسم ضخم اتحرك في الضلمة ورمى نفسه قدام ياسين كأنه حيطة خرسانية. الطلقة استقرت في كتفه، وطلع منه صوت أنين مكتوم وهو بيقع على الأرض. ​مراد العزايزي مأخرش، وبصوته الجهوري اللي زلزل القاعة صرخ في اللاسلكي: ​"ارفع زرار الكهربا حالا!! اقلبوا المكان كله يا رجالة!!" ​وفي ثانية واحدة، النور رجع ورشق في العيون فجأة. الإضاءة كشفت المستور؛ القاعة كانت مقلوبة، المعازيم مستخبيين تحت الطاولات، وفي وسط الصالة كان واقع "حامد".. واحد من أخلص رجالة مراد العزايزي، ماسك كتفه والدم مغرق إيده. وياسين واقف فوقيه، عينيه حمرا زي الدم وعروق رقبتها بارزة من الغضب الأعمى. ​على بعد خطوات، كان الجاسوس

بعد ما عربية رانيا مشيت وتحركت وراها حراسة قصر العزايزي، ساد سكون غريب في الصالة الكبيرة. ليلى وقفت لثواني، بصت للأرض وهي بتفكر في كلام رانيا اللي نزل عليها زي المية الساقعة، حست بانتصار كبريائها كأنثى بس معاه غصة وجع. من غير ما تنطق بكلمة، لفت بضهرها وتحركت بخطوات هادية، ولمت فستانها الأخضر الملكي وطلعت على السلم متجهة لجناحها في المكتب، ياسين كان لسه واقف، حاطط إيديه في جيوبه وعينيه بتابع أثر ليلى وهي طالعة. مراد العزايزي قعد ورا مكتبه، عدل نضارته وبص لجوز بنته بنظرة صقر عجوز قاري الدنيا صح، سحب نَفَس من سيجاره ونطق بصوت فخم ورزين: ​"ليلى اتعلمت درس قاسي قوي الفترة اللي فاتت يا ياسين.. والقرصة اللي أخدتها في عِندها كَسرت حتة الغرور اللي جواها. خليك هادي عليها الليلة." ​ياسين التفت لحماه، ملامحه كانت لسه قاسية والزعل باين في عينيه، بس مراد كمل بجدية وأبوة: ​"أنا عارف إن قلبك مقفول منها بعد اللي عملته وموضوع البيبي .. بس في الآخر ليلى دي مراتك، ومن حقها تكسبها وتلمها في حضنك تاني، وخصوصاً بعد ليلة النهاردة ووقفتها في ضهرك. ليلى لو حطتك في دماغها بعناد وجفاء، هتبوظ كل حاجة برغم

ياسين وقف بعربيته قدام فيلا رانيا بعنف خلى الكاوتش يصرخ في الأرض. نزل من العربية وجسمه كله شاحن غضب وقلق، دخل من بوابة الفيلا بخطوات سريعة وواسعة هزت المكان. أول ما داس عتبة الصالة الكبيرة، عينه نزلت على الأرض.. شاف تليفون رانيا مرمي ومكسور ميت حتة، الشاشة متدمرة تماماً والـبوردة باينة منها. المنظر ده كان كفيل يعرفه إن البركان جوة انفجر خلاص. ​طلع السلم وضغط على مقبض باب أوضتها، وفتحه ودخل. ​رانيا كانت قاعدة على طرف السرير، لسه بعبايتها السودا، وشها شاحب وزي الأموات، وعينيها مثبتة في الفراغ.. سرحانة غرقانة في ملكوت تاني خالص وكأن روحها فارقتها ورا السلك. ياسين هدا خطواته، وقرب منها ونطق بنبرة رجولية هادية بس محملة بعتاب تقيل: ​"ليه روحتي يا رانيا؟ ليه مشيتي من ورايا وروحتِ السجن هناك؟" ​رانيا مَكنش ليها أي رد فعل، مكنش فيه حتى خضة من دخوله. لفت راسها ببطء شديد، وبصت له بعيون مكسورة ومطفية، ونطقت بصوت جاف ومبحوح: ​"مبقاش ليا حد يا ياسين.. ماليش حد في الدنيا دي خلاص، وحبيت أروح أطمن على أخويا.. الحتة اللي باقية ليا." ​ياسين أخد نَفَس عميق، وقعد جنبها على السرير ونطق وهو بيحا

أخيرًا.. فُتحت البوابات الحديدية الضخمة لقصر كمال السيوفي، وعادت الروح للجدران اللي غاب عنها النور لسنين. الشمس كانت بتميل للغروب، وخيوطها الحمراء بتنعكس على واجهة القصر الفخمة والرخام اللي رجع يلمع زي الألماظ بعد ما رجالة ياسين شطبوا كل صغيرة وكبيرة ليل نهار. ​عربيات النقل الكبيرة كانت واقفة في الممشى، والحراس ورجال ياسين شغالين زي خليه النحل؛ بينزلوا الشنط، الصناديق، والعفش الجديد اللي يليق بأول ليلة في قصر الكيان. ​في وسط الجنينة الواسعة، كان ياسين السيوفي واقف كأنه أسد بيرصد مملكته المستردة. لابس قميص أسود مأنتك على جسمه، ومربع دراعاته وعينيه الصقر بتابع كل تكة نفس في المكان. وعن يمينه كانت واقفة ليلى العزايزي بكبريائها وأناقتها الطاغية، وفستانها الكاجوال الراقي، وعن شماله رانيا الأسيوطي بعبايتها الهادية، وملامحها اللي بتحاول تصطنع الهدوء وتداري وراها بركان الخوف من تهديد زهران. ​ياسين أخد نَفَس عميق محمل بريحة الشجر والياسمين، وبص لليلى ورانيا ونطق بصوت رجولي رخيم ودافئ: ​"مبروك علينا يا بنات.. قصر السيوفي رجع لأصحابه، ومن النهارده، ده حصننا الكبير اللي هيلمنا سوا.. عاوز عتبة