Lahat ng Kabanata ng رماد الثأر: Kabanata 61 - Kabanata 70

الهوا البارد كان بيدخل من الدلفة المفتوحة من شباك المكتب، ينقل معاه ريحة يود البحر ورشاش الموج اللي بياكل في الصخور برة على كورنيش إسكندرية. الإضاءة جوة المكتب كانت خافتة، متوزعة بين أبليكات خشبية عتيقة وشعاع النهار الباهت اللي جاي من الشباك. ​ياسين كان قاعد متسمر على الكرسي الجلد الفخم، ضهره مشدود زي وتر القوس، وصوابع إيده مضغوطة على ذراع الكرسي لحد ما عقل إيديه ابيضّت. التوتر كان حبل ممدود بينه وبين العميد، حبل لو حد حط عليه موس يقطعه. ​فجأة.. الخشبة العتيقة لرقبة الباب اتكت بصوت خفيف. ​دخل راجل متقدم في السن، لابس بدلة خادمة كحلي مقفولة للرقبة، شايل صينية فضة ثقيلة عليها فنجانين قهوة بنية غامقة بريحة مستكة طالعة منها دخنة هادية، وكاسين مية مثلجة. الراجل يتحرك بخطوات صامتة تماماً كأنه شبح اتعود يخدم الكبار من غير ما يتنفس. حط الفنجانين بحرص شديد على الخشب الأرو للمكتب، وسحب الصينية ودار بضهره وخرج، والباب اتقفل وراه بنفس الهدوء اللي دخل بيه.. كأن الدخول والخروج ده كان مجرد فاصل عشان الصدمة تاخد نفسها قبل ما تفرقع. ​مد العميد عبد الحميد زهران إيده ببطء، مسك فنجان القهوة الساخن، و

عربية ياسين شقّت طريق الصحراوي راجعة من القاهرة للإسكندرية، وسرعتها كانت بتتجاوز كل الحدود، لكن السرعة الحقيقية كانت جوه دماغه؛ فكرة ورا فكرة، وشرارة بتولّع في عقل مش بيهدأ. كلام العميد عبد الحميد زهران كان بيرن في ودنه كأنه طلقات رصاص بتخبط في جمجمته من جوه: – "احذر يا ياسين.. الستات في عوالمنا مش أمان، وبالأخص رانيا الأسيوطي.. دي بنت عاصم الأسيوطي، والسم يجري في دمها، العِرق دساس ومش هينسى أصله!" ​الكلمات كانت بتتحفر في عقله زي السكاكين. شطحات الشك والظنون بقت تتقاطع قدامه وتعمل صورة واحدة واضحة: طارق يهرب فجأة، الهارد يتفرمت، الحراسة تضرب عِشرة في عين الكتم، وليلى تمشي فجأة.. والمعادلة كلها بتصب عند نقطة واحدة: خيانة من جوه البيت. ​أول ما عربية ياسين كسرت بوابات القصر ودخلت، الكتمان والرهبة دبّت في كل شبر. الحرس والخدم واقفين رؤوسهم في الأرض، والعربية صفّت بعنف قدام المدخل الرئيسي. ​قبل ما الباب يفتح، كانت رانيا طالعة تجري بلهفة مصطنعة، ملامحها ماليها القلق والاشتياق، وخطواتها سريعة عشان ترمي نفسها في حضنه وتتصدر المشهد وتطمن. ​بس قبل ما تقرب حتى خطوتين، ياسين فتح الباب و

تمر ايام، وياسين غارق في دوامة من الاكتئاب الصامت. روتين يومي قاتل؛ يطلع الصبح بدري يغرق نفسه في الشغل، ويرجع بالليل على أوضته كأنه راجع مقبرة. ​مع ليلى، الحال كان بين بين.. ساعات ترد عليه بحب وود قديم، وساعات تقفل الموبايل ومتردش، وأحياناً تتكلم بجفاء ينشف الدم في العروق. لحد ما عدى شهرين كاملين، وياسين بطل يكلمها تماماً، سابها على جمر كبريائها. ​أما جوه القصر، فعلاقته بـ رانيا كانت واخدة منحنى تاني خالص؛ تجاهل تام وجمود يقطع الإيد. بطل يقعد معاها، ومبيكلش في طبق واحد أبداً، ووصل به الأمر إنه مبيكلش من أي أكل تطبخه إلا لو شافها بتبتلع قدامه أول لقمة عشان يطمن إن مفيش سم أو غدر. ​لحد ما جه يوم، وهما قاعدين على السفرة بياكلوا في صمت تمليه الشكوك.. بصت له رانيا وقالت بهدوء: – "ياسين.. أنا نازلة شركتي ، في شغل مهم محتاجة أقفله بنفسي قبل ما الولادة تقرب، ومحتاجة أنزل أعدي على الدنيا هناك." ​بصلها ياسين ببرود وقال: – "موافق.. بس الحراسة تكون حواليكي في كل خطوة." سألته رانيا بصوت متردد: – "مفيش أخبار عن ليلى؟" رد عليها بجمود: – "لا." رجعت سألته بفضول حذر: – "وعن.. حملها؟" قال ب

جوه مكتبه، كانت النار والانتقام بيكلو في قلب مراد العزايزي.. قاعد عيونه حمرا، أفكاره كلها بتلف حوالين روح طارق اللي هيصفيه، وغلطة بنته الكبيرة اللي هدمت كبرياء عائلة العزايزي من جوه. ​فجأة.. قام من مكانه بخطوات تثقيل كأنها جبال ماشية، ونادى على الحرس، وطلع بهم بخطوات مرعبة لحد جناح ليلى. فتح الباب بعنف، ودخل وساب الحرس واقفين بره زي تماثيل الموت. ​أول ما ليلى شافت وشّه، كأنها شافت ملك الموت قدامها؛ الدم هرب من وشها، ورجليها شالتهاش. من غير تردد، جريت عليه بسرعة وترمت على الأرض تحت رجليه، مسكت رجليه بتهتز وبانهيار: – "بابا.. أرجوك سامحني! والله العظيم تبت، سامحني يا بابا!" ​وفي اللحظة دي.. وسط صريخها وترجيها، هجم على عقله فلاش باك قديم كئيب ومظلم.. نفس القعدة دي، نفس الدموع، ونفس الترجي.. بس كانت من سنين طويلة، لما عرف إن فاتن مراته خانته.. كانت قاعدة تحت رجليه بنفس الشكل بتترجاه يرحمها. ووقتها، بلا أي رحمة ولا شفقة، طلع سلاحه وأداها طلقتين في صمت: واحدة في نص دماغها، والتانية في قلبها عشان يغسل عاره. ​رجع مراد من سرحته المرعبة على صوت عياط ليلى، وبص لها ببرود يجمّد الدم في ا

عدّت الأيام ثقيلة وبطيئة، لحد ما جه اليوم الموعود.. يوم ولادة رانيا. ​طوال فترة المخاض والولادة، ياسين مسبهاش لحظة واحدة؛ وقف جنبها بكل مسؤولية وشهامة كعادة أصله، لحد ما دخلت العمليات وخرجت بالسلامة، وسمع صوت صراخ المولود لأول مرة جوه المستشفي. ​شال ياسين الطفل بين إيديه، حس بغمرة من المشاعر الإنسانية والفرحة الصافية بالمولود الجديد، بس جوه قلبه.. كان فيه فراغ كبير، ومكانة ثابتة لـ ليلى اللي كانت غايبة عن باله وعينه كل ثانية. ​وهو واقف باصص للبيبي، طلع تليفونه، وبدون ما يحس، صور المولود وبعت الصورة لـ "ليلى" على الشات، وكتب معها جملة واحدة حاملة كل الشوق والوجع: – "عقبال ابننا يا ليلى." ​الناحية التانية.. في عتمة وسكون بدروم القصر، كانت ليلى قاعدة عيونها وارمة من العياط. فجأة، نور الشاشة جنبها كسر الظلمة؛ فتحت التليفون وشافت صورة البيبي ورسالة ياسين. بصت لملامح الطفل بصدمة امتزجت بوجع السكين، ونزلت دموعها بغزارة. بلعت غصتها الصعبة، وكتبت رد قصير وهادئ بيكسر قلبها قبل ما يكسر قلبه: – "يارب.. ومبروك يا ياسين." ​قفلت التليفون بسرعة قبل ما تضعف أكتر من كده، وعقلها كان في مكا