TALIA POVKinabukasan, maaga akong nagising dahil sa mahinang yugyog sa balikat ko. Pagdilat ko, ang nakangiting mukha agad ni Zeke ang bumungad sa akin. Nakabihis na siya—suot ang paborito niyang t-shirt na may print ng dinosaur—at mukhang kanina pa gising."Mommy, gising na po. Sabi ni Nanny Rosa, waiting na po si Kuya Liam sa playroom," excited na bulong niya, habang hila-hila ang dulo ng kumot ko.Napangiti ako kahit medyo mabigat pa ang mga pilikmata ko dahil sa puyat kagabi. "Opo, heto na. Sige na, lumabas ka muna at tulungan mo si Nanny Rosa mag-ayos ng mga laruan."Nang makalabas si Zeke, naupo muna ako sa gilid ng kama at hinilot ang sentido ko. Pagod pa rin ang katawan ko, pero mas pagod ang utak ko. Ang huling usapan namin ni Santi sa balcony kagabi ay paulit-ulit na nag-e-echo sa isip ko. Ang dulas ng boses niya, ang tindi ng pagsisisi sa mga mata niya—mahirap i-absorb. Ang hirap paniwalaan na ang isang makapangyarihang tulad niya ay pwedeng magmukhang ganoon karupok sa di
閱讀更多
