Semua Bab The Billionaire's Secret Baby: Bab 1 - Bab 7

TALIA POVTatlong buwan ang mabilis na lumipas. Sa loob ng mga panahong iyon, naging routine ko na ang manatili sa tabi ni Santi tuwing gabi. Sa dilim ng kwarto niya, unti-unting nawala ang bagsik niya kapag ako na ang kasama niya. Sabay naming pinakikinggan ang ulan, pinag-uusapan ang mga kwentong binabasa ko sa kaniya, at kung minsan, hinahawakan niya lang ang kamay ko hanggang sa makatulog siya.Naging takbuhan niya ako sa gitna ng kawalan ng pag-asa. At ako naman, hindi ko namamalayang unti-unti na palang nahuhulog ang loob ko sa kaniya. Alam kong bawal, alam kong mali, pero mahirap pigilan ang puso kapag nakita mo ang totoong kahinaan ng isang tinitingalang Santiago Elizalde.Huling gabi ko na sana sa mansyon dahil bukas ang takdang operasyon sa mga mata niya. Pero bago pa dumating ang umaga, naganap ang isang bagay na hindi ko inaasahan.Dinala kami ng matinding emosyon. Sa pagitan ng mga bulong niya na natatakot siyang makakita ulit pero hindi ako mahanap, at sa takot ko na bak

TALIA POVNakalapat ang mga talampakan ko sa sahig pero pakiramdam ko ay lumulutang ako sa kaba. Si Santi. Limang taon kong pinaghandaan ang pinto ng pagkakataon na baka makita ko siya ulit, pero walang kahit anong mental preparation ang sapat kapag kaharap mo na ang lalaking nagpabago ng buhay mo.Mas matikas siya ngayon. Mas seryoso. Ang mga mata niyang dati ay walang buhay at nakatakpan ng gasa ay nakatitig sa akin nang may matinding awtoridad."Sino ka?" ulit niya. Mas lumalim ang baritono ng boses niya, bawat pantig ay may bigat na nagpapakaba sa akin.Huminga ako nang malalim bago tumayo nang diretso. Pinilit kong huwag manginig ang mga tuhod ko. Ibang-iba na ako ngayon. Hindi na ako ang nursing student na naka-unipormeng kupas. Propesyonal na ako."Good morning, Sir. Ako po si Talia Soler, ang bagong Child Behavior Therapist ni Liam," sagot ko. Sinadya kong lakasan nang kaunti ang boses ko para magtunog pormal, pero pinanatili ko ang malumanay na tono para hindi mabigla si Liam

SANTIAGO POVNanginginig siya. Nararamdaman ko ang bawat pintig ng takot sa magkabilang balikat niya habang nakadikit siya sa pader. Pero wala akong pakialam. Kung nanginginig siya sa takot, ako naman ay halos mabuwal sa tindi ng halo-halong emosyon na sumasabog sa dibdib ko ngayon."Magsabi ka ng totoo sa akin, Talia," bulong ko. Pilit kong pinapakalma ang boses ko pero ramdam ko ang sarili kong panginginig.Tinitigan ko siya nang mariin. Ang malalaki at bilugang mga mata niya na dati kong nakikitang kalmado tuwing kausap si Liam ay halos maghisterya na ngayon. Bakit siya natatakot? Kung wala siyang itinatalo, bakit parang nakakita siya ng multo nang malapitan ko ang bata?"Sabi ni Chantal... siya ang nag-alaga sa akin sa dilim limang taon na ang nakararaan. Siya ang kasama ko sa kama noong gabing iyon bago ang operasyon ko," patuloy ko, bawat salita ay parang may lasing na humihiwa sa lalamunan ko. Tumingin ako sa ibaba, doon sa batang nakatago sa likod ng malawak niyang slacks. "Pe