All Chapters of Maid for the Boss (SPG): Chapter 161 - Chapter 170

AMBERPagbalik ko sa training room, agad akong naupo sa harap ng computer ko at inilapag ang bag ko sa tabi ng mesa. Hindi ko muna binuksan ang mga dokumentong kailangan kong tapusin dahil hanggang ngayon ay hindi pa rin mawala sa isip ko ang nakita ko sa lobby kanina. Akalain mo nga namang sa laki ng Maynila, dito pa talaga kami magkikita nina Haven at Marga. At hindi lang sila ang nakita ko, kundi pati ang Daddy niyang akala mo kung sinong hari kung makapangmaliit ng mahihirap.Napahawak ako sa noo ko habang nakatitig sa monitor. Mabuti na lang at hindi nila ako nakita dahil wala talaga akong balak makipag-usap sa kahit sino sa pamilyang iyon. Lalo na kay Haven na hanggang ngayon, hindi ko pa rin maintindihan kung bakit niya nagawang yayain akong magpakasal kung alam naman pala niyang itutuloy niya ang kasal nila ni Marga.“Hay, Amber! Magtrabaho ka na nga. Hindi ka pinapasuweldo rito para mag-isip ng mga walang kuwentang lalaki,” bulong ko sa sarili habang inaayos ang upuan ko.Kin

AMBER Makalipas ang apat na araw, habang inaayos ko ang mga documents na ipinagawa sa akin ni Ma’am Karen, naisip kong umuwi muna sa amin dahil isang buwan ko na ring hindi nakikita sina Mama at Noah. Gusto ko rin silang kumustahin nang personal. At may mga bagay akong gustong dalhin para sa kanila gamit ang perang naipon ko mula nang magsimula ako sa Villamor Global Holdings. Kaya bago matapos ang araw, nagpaalam ako kay sir Jefferson na uuwi muna ako sa probinsiya. “Sir Jefferson, uuwi po muna ako sa amin bukas pagkatapos ng trabaho. Gusto ko lang pong kumustahin sina Mama at Noah dahil ilang linggo ko na rin po silang hindi nakikita at gusto ko rin silang dalhan ng ilang gamit.” “Sige, Amber. Ihahatid na lang kita para hindi ka na mahirapan sa biyahe,” maayos niyang sagot habang inaayos ang hawak niyang mga dokumento. Agad akong napailing. “Huwag na po, sir. Malaking abala po iyon lalo na at CEO kayo. At siguradong marami kayong kailangang asikasuhin sa kumpanya. Kaya ko naman p

AMBERMakalipas ang ilang araw, tuloy-tuloy lang ang training ko sa Villamor Global Holdings. Tatlong linggo na rin mula nang magsimula ako. At masasabi kong malaki na talaga ang ipinagbago ko kumpara noong unang araw ko rito. Mas mabilis ko nang naiintindihan ang mga documents. Mas maayos na rin akong gumawa ng reports. At hindi na ako kasing-kaba kapag may bagong task na ibinibigay sa akin ni Ma’am Karen.“Amber, gusto kong sabihin sa iyo na maganda ang performance mo nitong mga nakaraang linggo. Malaki ang improvement mo at masaya ako dahil nakikita kong seryoso ka talaga sa training mo,” masayang sabi ni ma'am Karen.Napangiti ako habang nakatingin sa kanya. “Salamat po, Ma’am Karen. Sobrang saya ko rin po kasi dati halos hindi ko maintindihan ang mga documents na binabasa ko…pero ngayon kahit may mga mahirap pa rin, kaya ko nang intindihin kapag pinag-aralan ko.”“Normal lang na may mga bagay ka pang hindi alam dahil nagsisimula ka pa lang. Ang importante, mabilis kang natututo

AMBER Makalipas ang tatlong araw, abala ako sa training room nang lumapit sa akin si Ma’am Karen at may dala siyang folder. Pagdating niya sa tabi ng mesa ko, inilapag niya iyon at sinabi sa akin na may bago akong gagawin para sa araw na iyon. “Amber, ikaw ang bahala sa coordination ng meeting ngayong hapon kasama ang Del Monte Group. May meeting si sir Haven kay sir Jefferson, pero may ibang kailangan asikasuhin si sir Jefferson kaya ikaw muna ang haharap kasama ni Miss Winnie,” wika ni ma'am Karen Napatingin ako sa kanya nang marinig ko ang pangalan ni Haven. “Si Haven? Ngayon na po agad?” “Oo. Huwag kang mag-alala dahil hindi mo naman kailangang ikaw ang magpatakbo ng buong meeting. Nandoon si Miss Winnie bilang secretary ni sir Jefferson, kaya ang gagawin mo ay makinig, maglista ng mga napag-usapan at siguraduhing kumpleto ang documents na kailangan nila.” Tumango ako kahit hindi ko gusto ang narinig ko. “Si-Sige, Ma’am. Ako na po ang ba-bahala..” sabi ko bago pilit na ngu

MARGATanghali nang pumunta ako sa condo ni Olivia dahil gusto ko sanang may makausap. Ilang linggo na rin mula nang ikasal kami ni Haven, pero hanggang ngayon ay wala pa ring malaking pagbabago sa buhay naming mag-asawa. Nakatira ako sa bahay ng pamilya niya, kasama ang mga taong alam kong mas gusto akong makita bilang asawa ni Haven…pero ang asawa ko mismo, hindi ako gusto.Pagdating ko sa condo, agad akong pinapasok ni Olivia at naupo kami sa sala. Nagdala siya ng kape para sa amin at ilang minuto rin kaming nagkuwentuhan tungkol sa mga ordinaryong bagay bago niya tuluyang napunta ang usapan sa kasal ko.“So, Marga, kumusta na kayo ni Haven? Kumusta naman ang buhay mag-asawa ninyo?” tanong ni Olivia habang nakatingin sa akin.“Wala pa ring nagbabago,” sagot ko habang inilalapag ang tasa ko sa mesa. “Nakatira lang ako sa bahay nila at ginagawa ko naman ang lahat para maging maayos ang pakikitungo ko sa pamilya niya. Pero si Haven parang hindi talaga interesado sa akin. Magkasama kam