Sino Ang May-Akda Ng 'Golden Scenery Of Tomorrow' Na Nobela?

AKIN KA HANGGANG LANGIT SERIES Isang serye ng mapusok at matinding pag-ibig tungkol sa tatlong makapangyarihang Alkalde at ang mga babaeng uuwian nila hanggang langit. BOOK 1: Akin Ka Hanggang Langit (Paulo at Aria) Inakala ng walang-awang Alkalde na si Paulo Santillanes na patay na ang nag-iisang babaeng minahal niya. Ngunit tatlong taon ang lumipas, natagpuan niya itong buhay. Nabubuhay sa hirap bilang si Melissa, walang alaala, at may lalaking nagpoprotekta. Sa tindi ng selos at obsesyon, gagamitin ni Paulo ang yaman upang ibaon sa utang ang pamilya nito at ikulong ang dalaga sa kanyang mansyon. Limot man nito ang nakaraan, aariin niya ito gabi-gabi hanggang sa mismong katawan ni Aria ang makaalala kung sino ang nagmamay-ari sa kanya. BOOK 2: Akin Ka Hanggang Langit (Chance at Nayah) Si Mayor Chance De La Serna ang kinatatakutang Halimaw ng San Ignacio. Siya ay malamig, walang-puso, at namumuno gamit ang kamay na bakal. Ngunit ang kanyang madilim na mundo ay mayayanig nang tangkain niyang iligtas si Nayah, ang inosenteng anak ng sindikatong sumira sa kanyang pamilya. Ang kinatatakutang warlord ay unti-unting magiging isang uhaw na hari, isang lalaking handang kalabanin ang lahat, isuko ang kanyang kapangyarihan, at saluhin ang mismong bala huwag lamang mawalay sa nag-iisang reyna niya. BOOK 3: Akin Ka Hanggang Langit (Chozen at Olga) Si Mayor Chozen Cordovez ay kilala bilang seryoso, istrikto, at walang-ngiting Mayor Yelo ng San Isidro. Ngunit ang hindi alam ng lahat, sa likod ng nakasaradong pinto ng kanyang opisina, isa siyang patagong die-hard fanboy na baliw na baliw sa A-list actress na si Olga Manahan. Nang magkrus ang landas nila at sadyang tuksuhin ng palaban na aktres ang pormal na Alkalde, tuluyang mabasag ang maskara ni Chozen. Walang makapipigil sa pag-usbong ng isang nagugutom na lalaking handang angkinin ang idolo niya. Written by Eckolohiya23

ANG NAWAWALANG TAGAPAGMANA “I'm sorry, Alessandra… mayroon kang breast cancer.” Sa isang iglap, gumuho ang mundo ni Alessandra Perez, isang ulilang buong buhay na naghahangad ng pamilyang magmamahal sa kanya. Akala niya ay natagpuan na niya ang kanyang tahanan nang pakasalan niya ang bilyonaryong si Maximus Craig. Ngunit isang malupit na kasunduan sa negosyo ang nagpilit kay Maximus na iwan ang babaeng pinakamamahal niya. Sa halip na protektahan si Alessandra, ang paghihiwalay nila ang nagdala sa kanya sa matinding pagdurusa. Iniwan, minamaliit, at nag-iisa, hinarap ni Alessandra ang kanyang karamdaman hanggang sa mawalan siya ng pag-asa. Ngunit bago tuluyang sumuko, isang misteryosong lalaki ang dumating upang iligtas siya. Ginastos niya ang kanyang kayamanan para sa pagpapagamot ni Alessandra at itinuring itong parang sariling anak. Hanggang sa mabunyag ang isang nakakagulat na katotohanan. Si Alessandra ay hindi isang ordinaryong ulila. Siya ang nawawalang tagapagmana ng makapangyarihang Pamilyang Montealto, at ang anak ni Rosalind Castillo, isang babaeng inakalang patay na. Ngunit sino ang nagnakaw sa kanya? At bakit kailangang burahin ang kanyang pagkatao? Nang muling magtagpo sina Alessandra at Maximus, muling nagliyab ang pag-ibig. Ngunit sapat ba ang pag-ibig upang talunin ang pagtataksil, lihim, at kamatayan?

Hindi maitatanggi ang pagkahumaling ni Ysabelle sa dagat. Sa bawat paghampas ng mga alon ay naaalala niya ang pumanaw na ina. Dito rin niya unang nakilala ang lalaking bumihag sa bata niya pang puso. Sa pagdaan ng mga taon, at sa muli nilang pagtatagpo, may mabubuo nga bang pag-iibigan kung nagsimula lamang ang lahat sa kasinungalingan? Saksi ang alon sa mga nangyaring karahasan sa nakaraan. Ngunit sa pagsira sa kasulukuyan, anong mangyayari sa bukas na inaasahan? How can a spark of love survive over deep-seated hatred, life-altering decisions, and a desire for vengeance? Sa tabing dagat nagsimula ang lahat, doon nga rin ba magtatapos?

Dalawang araw bago ang kanyang kasal, akala ni Serena Vale ay nasa kanya na ang lahat—pag-ibig, katatagan, isang bagong trabaho, at isang perpektong kinabukasan. Ngunit gumuho ang lahat nang matuklasan niyang niloloko siya ng kanyang nobyo, at ni katiting na pagsisisi ay wala itong ipinakita. Wasak ang puso, nagpasya siyang mag-isa na lang ituloy ang honeymoon na dapat sana’y para sa kanilang dalawa. Doon niya nakilala ang dalawang makapangyarihang bilyonaryo. Magkaribal dapat sina Rafael at Nikolai, ngunit ang hindi alam ng mundo ay marami silang pagkakapareho—kabilang na ang iisang babaeng kapwa nila ninanais. Pareho nila siyang gusto. Pareho nila siyang inaangkin. At wala ni isa sa kanila ang handang pakawalan siya.

Sa araw na dapat sana'y pinakamaligaya sa buhay ni Althea Villanueva, gumuho ang lahat ng kanyang mga pangarap. Ilang oras bago ang kanilang kasal, natuklasan niyang ang lalaking limang taon niyang minahal—si Marco—ay may lihim na relasyon sa sarili niyang kapatid. Sa isang iglap, ang babaeng naghanda para sa kanyang "happily ever after" ay naging isang bride na tumalikod sa altar. Habang sinusubukan niyang buuin ang pusong winasak ng dalawang taong lubos niyang pinagkatiwalaan, isang gabing puno ng alak, sakit, at desperasyon ang magdadala sa kanya sa isang lalaking hindi niya inaasahang makikilala. Si Adrian Montenegro ay isang malamig, makapangyarihan, at kinatatakutang CEO na walang tiwala sa pag-ibig. Para sa kanya, ang lahat ng babae ay may kapalit na presyo—hanggang sa makilala niya ang babaeng iniwan sa altar ngunit hindi kailanman nawalan ng dangal. Nang pagtagpuin sila ng tadhana, isang simpleng pagkakamali ang nauwi sa isang kontratang magbabago sa kanilang buhay. Ngunit habang unti-unting nabubuksan ang kanilang mga puso, babalik ang mga multong sumira sa kanilang nakaraan. Sa mundong puno ng pagtataksil, kasinungalingan, at kapangyarihan, kaya bang paghilumin ng tunay na pag-ibig ang pusong minsang nadurog? O isa na namang pagkakamali ang kanilang magiging pagsasama?

BOOK 1: TIMELESS ONES Ipinangako ni Fritz sa sarili niyang walang ibang babae siyang iaakyat sa dream house niya maliban kay Julia. Ang nag-iisang babaeng minahal at minamahal niya mula pagkabata. Pero nasira ang pangakong iyon nang hingin ng isang malapit na kaibigan na patuluyin niya doon ang isang nangangailangan na sa kalaunan ay napag-alaman niyang si Julia pala. Time is forever for those who love truly. Pero paano mangyayari iyon kung nariyan ang asawa ni Julia na siyang mas may higit na karapatan sa babaeng pinakamamahal niya? BOOK 2: JOURNEY TO FOREVER Nang tanggihan ni Claire ang inialok na kasal ni Lawrence at piliin ang Amerika, nasaktan noon ang binata. Pero nagbago ang ihip nang hangin makalipas ang walong araw ay maganap ang isang malagim na aksidenteng nagbigay daan sa muling pagsasanga ng buhay nina Lawrence at Anya. Ang unang babaeng minahal ng binata, ang unang babaeng pinangarap nito at ang nag-iisang babaeng hindi nawala sa puso nito sa loob ng mahabang panahon. At higit sa lahat ang pinakamamahal ni Lawrence pero minabuti nitong talikuran para sa kapanan ng iba. Pero hindi lang si Anya ang nagbalik sa buhay niya, kundi maging si Claire. Si Claire na mas nanaisin pang mawala nalang ang binata bago ito mapunta sa iba. BOOK 3: UNBROKEN VOW Bata pa si Sara nang una itong masilayan ni Benjamin. Pero nagkaroon na ito ng espesyal na parte sa kanyang puso. At masasabi niyang puso niya mismo ang nag-alaga ng bahaging iyon kaya hindi niya iyon nagawang ibigay sa iba. Ang isang tunay at wagas na pagmamahal ay walang pinipiling panahon o edad, minsan kailangan lang maghintay. Pero anong katiyakan ni Benjamin na hindi mahuhulog sa iba at babalik sa kanya ang dalaga kung ang tanging pinanghahawakan niya ay isang pangakong kung tutuusi'y posible ring masira?