Dark Romance Web Novels & Billionaire Twist Stories

Si Hera ay isang filial na anak na may marangal at maayos na trabaho. Tahimik ang kaniyang buhay hanggang sa malulong sa pagsusugal ang kaniyang ama at tuluyang mabaon sa utang. Sa kagustuhang mailigtas ang kaniyang pamilya, wala siyang ibang pagpipilian kundi harapin ang lalaking may hawak sa utang ng kaniyang ama. Si Amadeus, isang makapangyarihan at mapanganib na lalaki mula sa mundo ng krimen at kilala sa publiko bilang isang bilyonaryo. Ngunit hindi niya inaasahang ang kapalit ng pagkakautang ng kaniyang ama ay ang kaniyang sariling buhay bilang isang asawa. Sa kabila ng kaniyang pagtutol, napilitan si Hera na pakasalan si Amadeus. Ang mas nakakagulat? Hindi pera ang tunay na dahilan kung bakit siya pinili ni Amadeus. Sinabi nitong kailangan lamang niya ng isang taong mag-aalaga sa kaniyang pamangkin. Ngunit habang unti-unting nasasanay si Hera sa kakaibang buhay kasama si Amadeus at sa pamangkin nito, napagtanto niyang may mas malalim na dahilan sa likod ng kanilang kasal. Isang dahilan na konektado sa misteryosong pagkamatay ng mga magulang ng kaniyang pamangkin. Habang sinusubukan nilang alamin ang katotohanan, napipilitan sina Hera at Amadeus na magtulungan upang protektahan ang batang maaaring maging susi sa lahat ng misteryong kanilang hinahanap. Sa gitna ng panganib, kasinungalingan, at mga lihim mula sa nakaraan, unti-unting nagbabago ang relasyon nilang nagsimula sa isang sapilitang kasal. Ngunit habang mas lumalapit sila sa katotohanan, mas lalo nilang napagtatanto na maaaring hindi aksidente ang pagkakadikit ng kanilang mga buhay. At kung ang kasal nila ay bahagi lamang ng isang mas malaking plano. Sino ba talaga ang dapat nilang katakutan?

Binigyan ko ng malaking halaga ang aking asawa at sinabi kong sa ibang bansa muna siya tumira. Ang dahilan? Ayaw ko siyang makasama at ayaw ko rin siyang makita. Ni dulo ng daliri niya ay ayaw kong mahawakan. Pumayag naman siya sa gusto ko. Nagagawa ko na rin ang lahat ng gusto ko habang wala siya. Palagi akong nasa bar at doon ko nakilala ang isang babae. Gustong-gusto ko siya. Nagbabayad ako ng malaking halaga para lang mapasaya niya ako. Sobrang galing niya, at swerte ko dahil virgin siya nang makilala ko. Gusto ko siyang maging akin lang. Ako lang ang magpapasaya sa kanya at ayokong may ibang lalaking sangkot sa pagitan namin. Sa tuwing kailangan ko siya, palagi siyang naroon para mapasaya ako. Hindi ko na rin iniisip ang asawa ko dahil mas gusto ko ang babaeng nakilala ko sa bar. Wala akong pakialam sa asawa ko. Pero dumating sa punto na nabuntis ko siya. Kaya ko naman panagutan ang bata at balak ko siyang pakasalan. Handa rin akong hiwalayan ang asawa ko. Pumayag naman siya sa gusto ko. Pero dumating ang araw na ako rin pala ang iiwan niya. Hindi natuloy ang kasal namin. Bigla na lang siyang naglaho na parang bula. At hindi ko alam kung bakit. At kamusta na rin kaya ang asawa kong hindi ko man lang nagawang kamustahin ng mahabang panahon? May babalikan pa kaya ako kung sakaling bumalik ako sa kanya?