Novel & Cerita Dolphin And Pufferfish

Doon na napansin ni Fianna ang mga dolphin na pumapalibot dito. Habang nakatingin siya sa tubig ay nag-umpisang pinatugtog ni Marcellus ang madolin. Kahit umpisa palang ay nakaka-akit na talaga ang himig kaya natigilan saglit si Fianna sabay napalaki ang mga tenga at mata. Dahan-dahan nitong itinaas ang titig kay Marcellus. Hindi pa siya nakaka-react ay tumatalon na ang mga dolphin sa gilid nila at parang nagsasayaw na rin dahil sumasabay sa himig.

Maraming malalaking isda ang lumapit sa gilid sa mabatong bahagi. Mga ala-sais ng hapon, huminto ulit ang ulan pero mas maraming pagkain ang makukuha nila dahil labasan ng mga shell, crab sa buhangin. Tumungo sila sa mabatong bahagi, at binigyan siya ni Cassandra ng hairstick. Tatlo ang hairstick nito, ang isa na kay Jolo ang isa na kay Sarge pero ang crossbow si Darwin ang gumagamit. Siya ang na-excite sa ginagawa nila, buti nalang may waterproof flashlight ang mga sundalo na sinusuot sa noo. Paglublob niya sa tubig iba't ibang klase ng mga isda ang nakikita niya.