“LET'S go, Calley..."
Nauna nang maglakad palabas ng lobby si Zayne kasama ang driver nito, habang siya naman ay tahimik na nakasunod sa mga ito sa likuran. 5PM na iyon ng hapon at tapos na ang office hours subalit sa halip na umuwi, heto siya ngayon at hindi malaman ang gagawin dahil isasama siya ni Zayne na magpunta sa isang importanteng event. May masquerade ball daw itong pupuntahan at kailangan daw nito ng partner. Hindi naman niya magawang tumanggi dahil boss niya ito at ayaw niyang mapahiya.
Kanina pa rin siya nagte-text at tumatawag kay Zack para magpaalam tungkol doon pero wala siyang natatanggap na reply mula sa nobyo. Hindi rin ma-contact ang lalaki dahil naka-off ang cellphone nito. Tila tuloy lutang ang isip niya habang naglalakad palabas sa lobby dahil hindi niya alam ang gagawin kung sakaling maging sanhi iyon ng pag-aaway nila ng kanyang boyfriend.
Nang makalabas ng lobby ay nagtaka siya nang huminto si Zayne sa paglalakad at parang may tinitingnan na kung ano, ka
