“Skye, tingnan mo ito dali!” Hinila siya ni Jolina para tingnan ang mga pangbaby na gamit dito sa mall. Nandito kasi sila ngayon sa mall para mamili ng mga gamit para sa magiging anak nila ni Adius.
“Skye, sure ka ba na bibili ka na agad ng mga ito? Hindi ka pa naman buntis.” Sabi ni Wamos.
“Doon din naman ang punta ko. Saka wala naman masama kung maging handa kami kasi pareho naman namin gusto ni Adius na magkaanak. Kasal nalang ang kulang sa amin.” Kaibigan niya si Wamos kaya nasabi din niya dito at kay Jolina ang tungkol sa contract nila ni Adius noon.
“Bahala ka. Pero wag kang masyadong mahulog kay Adius. Baka sa bandang huli ay masaktan ka lang.” sabi pa nito bago muling tumulala sa isang sulok. Kakahiwalay lang kasi nito sa kasintahan kaya wala pa ito halos sa sarili. Isa din ito sa dahilan kaya sinama nila ito para malibang man lang. kapag kasi sila ang may problema ni Jolina ay palagi itong nandiyan para sa kanila.
Pagdating sa bahay ay nilagay nila sa guest room ang
