ANNA POV:
Pinagkaguluhan ng mga ito si Marco at nag-jogging naman ako papunta sa bayan na parang walang nangyari.
Mabuti na lang itim na jogging pants at top ang pinili ko. At ang buhok ko, nakatago sa loob ng net sa ilalim ng headcap. Mas madali kasing tumawag ng atensyon kung nakalugay ang aking buhok. Wala ring hubog ang katawan ko sa labas ng jacket na idinoble sa itim na t-shirt dahil may dala akong beltbag. May lama itong maliit na kalibre 22 at cellphone.
Puede akong pagkamalang lalaki lalo na at G-shock ang relong suot ko.
Sa tabing kalsada, sumabay ako sa ilang turistang napadaan, nagsusuot ng itim na gloves sa mga kamay. Nilibot ko ang buong bayan ng San Luis na walang nakakilala sa akin.
Noong bata pa ako napakalaki ng bayan na ito para sa akin. Pero nang bilangin ko ang bawat kanto at kalye, apat na hanay lang na maliliit na kalsada at may tig kabilang lagusan papunta sa bundok at palabas nito.
At may dalawang wet market lang at maliliit na grocery stores.
Napakaliit
