CHAPTER 27

Bumaba kami sa Innova car ni Daddy habang inaakbayan niya ako. Nginitian niya ako ng malapad habang naglalakad kami dito sa may daan. Papunta kami ngayon sa DNA Testing Center para malaman na ang totoo. Kampante ako na anak ako ni Daddy dahil nakikita ko naman ang sarili ko kay Crystoffer. Isa pa, parang mahal ko na kaagad si Daddy nang makita ko siya.

Pagkapasok namin sa center ay inentertain kami ng mga staff.

“Sir, mayroon po ba kayong ID?” tanong ng babae sa may counter. Tumango si Daddy at inilahad ang kanyang ID. Pinapasok kami sa loob kung saan mayroong table doon.

“Pangalan po ng itetest namin?” tanong ng staff.

“Sabrina and David,” sagot ni Daddy at hinaplos ang ulo ko bago niya ako pinaupo roon sa monoblock.

“Isang parent lang po ba?” tanong nung babae. Tumango lamang si Daddy. Si Crystoffer ay nandoon sa couch at mukhang excited sa gagawing test. Kumuha ng mouth swab ‘yung staff. “Say ahh,” aniya at ngumanga naman ako. After ko ay si daddy naman.

“Sana ikaw na nga ‘yung k