CHAPTER 11

“K-Kung may gusto kang may ipagawa sabihan mo lang ako,” sambit ko sa pinsan ni Neil habang pinapanood siyang nag-aayos ng tutulugan niya. Mula kanina ay napapansin kong nakangiti siya. ‘Yong ngiti pa naman niya ay medyo nakakapikon.

“You’re not a maid, Sab. Hayaan mo siyang gumalaw sa sarili niyang mga paa at kamay,” sabat ni Neil at hinila ako palayo sa kanyang pinsan.

Napansin ko ang tono ng pananalita ni Neil. Para siyang galit sa pinsan niya at kulang na lang ay suntukan niya ito.

“Ayos ka lang?” tanong ko nang makapasok kami sa kwarto niya. Nanggagalaiti ang mga kamay niya habang nakatingin siya sa sahig. Umupo ako sa tabi niya at idinikit ang pisngi ko sa balikat niya. “Mayroon bang nangyari sa pagitan ninyong dalawa?” Dahil hindi naman siya ganito kanina.

Dumako ang tingin ni Neil sa buhok ko at nilugay ito. Hinawi niya ito na parang isang kurtina bago niya hinalikan ang po pisngi ko at ang leeg ko.

“I’m so stressed. I hate having a family problem, Sab,” nanghihinang sabi niy