Chapter 6 (Part 5)

Hindi ko siya pinansin at umupo na sa front seat. Samantala, dumiretso naman si Hudson sa driver's seat dahil hindi niya nais na magsama ng driver sa kan'yang kotse ngayon.

Sinandal ko ang aking ulo sa bintana at tinanaw ang mga natitirang bata na sumakay sa van. Galing sila sa dalawang palapag na mansion kung saan natutulog ang lahat ng mga bata. Samantala, ang gusali naman na pinanggalingan namin nila Hudson ay ang gusali kung saan makikita ang mga office.

"Viacera, huh?" tanging naiusal ko nang maisip muli ang angkan ko.

Tama naman si Hudson. Labing-lima pa lamang ang Viaceras na nandito sa Pilipinas. Hindi lalagpas sa tatlumpu at lima ang miyembro ng aking angkan. At ngayon ay nasa kumulang sa sampo ang kasama ni Papa at Lolo. Ang ibang miyembro naman ay hindi ko batid kung nasaan... kung magkakahiwalay ba sila o magkakasama.

Pumikit ako. Kailangan ko silang makitang lahat.

Lalo na si Judas Viacera.

Kung hindi sila ang lalapit sa akin... mahihirapan lang ako.

"We're here." M