CHAPTER 15- THE LAKE HOUSE AND THE TOY SNAKE

“Maiwan na po namin kayo, Sir. Tawag nalang po kayo kapag may kailangan kayo,” saad ng lalaking kausap ni Jacob.

Naunang bumaba si Jacob sa sasakyan para ma-check lahat ng mga gamit namin kung naibaba ba ito nang maayos. Ang ibang lalaki ang naghatid nito sa loob ng bahay na matatagpuan sa gitna ng maliit na lawa. Narinig kong tinawag ito ng lalaki na The Lake House. Pag-aari ito ng mga Castillo dito sa San Isidro.

Nahuli lang akong bumaba dahil sinagot ko ang tawag ni Mama. Kinamusta lang ako nito kung safe ba akong nakarating dito sa Siargao. Tinted ang bintana ng sasakyan kaya hindi ko gaanong kita ang kapaligiran kanina, kaya nang makalabas ako, halos hindi ako makapaniwala sa aking nakita.

Ang ganda ng paligid. Puno ng berdeng halamang ang palibot ng maliit na lawa na kinatatayuan ng bahay. Yung bahay naman, kung hindi ako nagkakamali ay gawa sa puno ng narra. Malinis sa labas. At ang buong palibot nito ay mayroong hanging plants na namumulaklak. Ang daan patungo roon ay tulay na