CHAPTER 17- THE DRAWING

“Anong ginagawa mo?” Nang marinig ko ang boses ni Jacob, mabilis akong huminto sa ginagawa ko. Isinara ko ang drawing notebook at itinago iyon sa likuran ko at sinandalan ito.

Nasa sala ako ngayon. Nakaupo ako sa sofa. Umaandar din ang TV pero kanina pa wala ang atensiyon ko roon. Abala kasi ako sa pagdo-drawing. Kanina pa wala si Jacob, nagpaalam ito na aalis muna para bumili ng kaniyang lulutuin para sa hapunan. Ang sabi ko ay dapat hindi niya makikita ang ginuguhit ko, ang kaso, nagkataong hindi ko napansin na dumating na pala siya.

“What’s that you’re hiding, Miss Bernardo?”

Napangiwi ako nang marinig ang pangalang tinawag niya sa akin.

“Miss Bernardo? Why so professional?”

Nginisihan niya ako. Nagpatuloy siya sa paglalakad patungo sa kusina. Bitbit niya ang mga pinamili. Ang akala ko ay magtatagal siya roon, pero lumabas din siya agad.

“Can I see what you’re doing?”

“Wala naman akong ginagawa,” pagsisinungaling ko. Umayos ako sa pagkakaupo at umusod nang kaunti para matakpan ko n