Chapter 21

21

"Lyrica, hindi ba at sinabi ko rin sa iyo noong unang araw mo dito na ayokong may nagkakagulo rito sa Valiente." Striktong sabi ni Sir Kyros sa akin ng makaupo ako sa loob ng opisina niya. Kaharap ko ngayon si Sofia na umiiyak.

Napabuntong hininga na lamang ako.

"Palagi ko pong sinusunod ang patakaran ninyo Sir Kyros."

Tumango naman siya at umayos pa ng pag upo.

"Nagsumbong sa akin si Sofia na inaway mo raw siya kanina."

Inipon ko lahat ng lakas ng loob ko para ipagtanggol ang aking sarili, ganito pala ang ginagawa ni Sofia.

Maliit akong ngumiti kay Sir Kyros at hindi ko man lang tinapunan ng tingin si Sofia na madramang umiiyak.

"Sir Kyros, totoo pong sinagot ko siya kanina dahil naiirita na po ako sa ugali niya..."

"See, Sir Kyros... Totoo po ang sinasabi ko, inaaway ako niyang bago ninyong waitress! Akala mo lagi kung sinong umasta rito sa Valiente." Mas lumakas ang pag iiyak ni Sofia.

"Hindi pa ako tapos Sofia." Malamig kong tinitigan ang babae. Masama ang pakiramdam ko at wa