Kinaumagahan ay umuwi ako sa bahay upang magbihis.
"Lyrica? Pwede ba tayong mag usap? " Sabi sa akin ni Tatay. Tumango lamang ako at sumunod sa kanya palabas ng bahay."Pasensiya na po kagabi tay, talaga pong sumama lamang ang aking loob.""Alam ko naman iyon anak. Pasensiya ka na rin sa mga kapatid mo. Alam mo naman ang ugali ng mga iyon." Napabuntong hiningang sabi niya."Opo tay. Siya nga pala po, baka matuloy na po ang pag alis ko.""Ah... Ganun ba, sigurado ka na ba riyan sa balak mo? "" Opo naman itay, matagal ko na po itong pinag iipunan. Mas makakatulong po ako kung sa Maynila po ako magtatrabaho." Nakangiting sabi ko."Manang mana ka talaga sa iyong inay Lyrica. Alam ko namang hindi ka magpapapigil, basta ay iingatan mo ang sarili mo doon ha? "" Opo tay."Doon natapos ang aming pag uusap, palagi namang ganoon lamang ang sinasabi ni tatay, pagpasensiyahan ko na lang daw sila ate o kaya naman ay intindihin ko na lamang daw sila.Umalis na ako ng bahay at nagtungo sa sakayan.Nang makarating sa tindahan ay ginawa ko na ang mga dapat kong gawin."Hija, isa ngang balot ng sibuyas. Samahan mo na rin ng dalawang tali ng sitaw at kangkong.""Ito po manang, 60 pesos po lahat." Nakangiting sabi ko rito."Aba, ikaw ba iyong anak ni Evelyn at Mario? ""Ah, opo manang. ""Ang laki mo na hija, ako nga pala si Liza. Kaibigan ako ng nanay at tatay mo. Kakauwi ko lamang, galing ako sa Maynila. Ikaw ba si Cynthia? ""Hindi po manang, ako po si Lyrica. Sa Maynila po kayo nagtatrabaho ? " Sabi ko."Ah yung pangatlong anak ni Evelyn. Oo hija, sa maynila ako nagtatrabaho. Kasambahay ako roon.""Ganun po ba, nagbabalak rin po akong mag Maynila Manang.""Ay oo, ang hirap ng buhay dito sa atin. May asawa ka na ba ? ""Wala po manang, wala pa po iyon sa isip ko." Nakangiting sabi ko."Aba mabuti naman at baka mapagaya ka sa nanay mo noong makarating siya sa Maynila." Makahulugang sabi nito pagkatapos ay tumawa.Nagtataka man ay ngumiti na lamang ako. Nang makapagbayad ay umalis na rin ito.Ako lamang ngayon ang tao rito sa tindahan dahil nasakit daw ang tuhod ni Nanay Lucing.Nang sumapit ang tanghalian ay dumating si Marco."Oh, bakit ang aga mo yata ngayon Marco? ""Wala ang mga prof namin sa last 2 subjects kaya naisipan ko na lamang tumulong dito." Nakangiting sabi niya."Ah ganun ba.""Iniisip mo pa rin ba iyong nangyari kagabi? ""Hindi naman. May bumili kasi kanina, sabi niya ay kaibigan siya nila tatay. Nasabi kong gusto ko ring lumuwas ng Maynila. Tinanong niya kung may asawa na ako, sabi ko wala. Bigla niyang sinabi sa akin na mabuti naman at baka raw mapagaya ako kay inay.""Hmm, hayaan mo na lamang iyon Lyrica. Masyado kang maraming iniisip, hindi na ako magtataka kung isang araw nabaliw ka na." Iiling iling na sabi nito pagkatapos ay pinitik niya ako sa aking noo."Aray ko naman! Mababaliw na talaga ako dahil sa palagi mong pagpitik sa noo ko! " Irap ko sa kanya.Tinawanan lamang niya ako.Dumating ang hapon at nagsara na kami ng tindahan ni Marco. Dumiretso kami sa bahay nila Krisha dahil nagtext sa akin si Mildred na kailangan niya akong makausap ng personal."Lyrica! Good news! Good news! Halika, bilisan mo!" Halos hilahin na ako ni Mildred papunta sa kubo nila Krisha."Ano ba kasi iyon Mil? "Nang makarating kami sa kubo ay agad niya akong pinaupo."So, eto na nga. Si ate Jessie kasi tumawag kaninang umaga. Sabi niya ay pwede ka daw makitira sa inuupahan nila habang naghahanap ka ng trabaho. Kaso nga lang, para daw hindi ka magbayad ng upa ay ipaglaba mo raw sila ng mga kasama niya. Tatlo lang naman sila sa inuupahan nila, mga dalaga pa. Iyong pagkain mo na lang daw ang iintindihin mo pati na rin ang panggastos mo sa araw araw doon. Ano ayos ka lang ba doon? ""Oo naman! Mas mabuti nga iyon at mababawasan ang magiging bayarin ko. " Nakangiting sabi ko."Ayan! Mabuti naman, kakausapin ka raw niya. Teka, magvideo call tayo." Excited na sabi nito. Nakangiti namang nagthumb ups sa akin si Krisha."Hi ate Jessie. Ito kasama ko na si Lyrica, ""Mabuti naman, may mga alam ako na pwede niyang pag applyan. "Nang iniharap sa akin ni Mil ang cellphone niya ay bumungad sa akin ang ate Jessie niya. Matangos ang ilong nito at mapupula ang manipis na labi, maputi rin siyang babae at kulay pula ang kanyang maiksing buhok."Ikaw ba si Lyrica? Aba, Mildred hindi mo sinabing napakaganda pala nitong kaibigan mo. Mabuti at kinaibigan ka niya." Tumatawang sabi ni Ate Jessie halatang inaasar si Mildred."Hay nako ate, maganda rin ako kaya magkakaibigan kami ano ? Tsaka isa pa, napakaganda talaga nitong si Lyrica, hindi lamang marunong mag ayos sa sarili. Siya nga ang pinakamaganda sa kanilang magkakapatid e." Pagmamalaki nito sa pinsan.Ako naman ay nahihiyang napatungo ng aking ulo."Huwag ka ng mahiya hiya diyan Lyrica, bawal rito sa Maynila ang mahiyain. Naku, baka hindi ka tumagal rito. Sige ka.""Naku, hindi naman po. Hindi lang po talaga ako sanay ng may pumupuri sa akin.""Masanay kana, ano ka ba? O siya nga pala, ano payag ka ba sa sinabi sa iyo ni Mildred. Madalas kasi kaming overtime sa trabaho ng mga kasama ko rito e. Hindi na namin halos maasikaso itong bahay. ""Oo naman po Ate Jessie. Makakatulong rin po iyon sa pagtitipid ko.""Ayun naman pala e. O siya kelan mo ba balak lumuwas? ""Ah ayun nga po e...""Sa linggo na luluwas si Lyrica, ate Jessie. Tamang tama at wala kang trabaho noon diba? "" Ah oo... O siya sige. May cellphone ka naman diba? Ibigay mo na lang sa akin ang number mo ha? Para matatawagan kita." Sabi ni ate Jessie sa akin."Sige po ate, maraming salamat po." Nakangiting sabi ko." Sige na, end ko na ang call. Mag update na lang kayo sa akin." Yun lamang ang sinabi niya bago patayin ang tawag."Ayan, ayos na Lyrica. Nag ambagan na kami nila Marco ng dadalhin mong pera. Huwag ka ng tumanggi, utang mo naman ito e." Iiling iling na sabi ni Mildred sa akin."Maraming salamat talaga sa inyo... Sobra... Pangako, babawi ako at magbabayad ng utang kapag nakahanap na ako ng trabaho doon." Umiiyak na sabi ko."Ano ka ba? Huwag ka ng umiyak Lyrica. Maiiyak rin ako e." Nagpupunas ng mata na sabi ni Krisha."Basta, huwag mo kaming kakalimutan ha? " Sabi naman ni Mildred at yumakap sa akin."Paano ko kayo kakalimutan e may utang ako sa inyo? " Napahagalpak naman ng tawa si Wren at Marco dahil sa sinabi ko.7"Mag iingat ka doon Lyrica, ang mga paalala ko sa iyo ay huwag na huwag mong kakalimutan." Yumakap sa akin si Tatay.Ngayong araw ang alis ko patungo sa Maynila, limang oras ang pagbabyahe ko papunta roon. "Oo naman po 'tay. Para po ito sa pamilya natin." "Ate, mag iingat ka roon ha? Mabuti na rin at aalis ka. Ayaw kong nakikitang inaaway ka nila ate Cynthia. Wala naman kaming magawa ni Boyet dahil takot kami sa kanila." Naiiyak na sabi ni Annika."Ikaw talaga, basta ay huwag ninyong papabayaan ang mga pamangkin natin. Tumawag kayo agad sa akin kapag nagkaproblema. Huwag ang hindi ha? " Ginulo ko ang buhok nito. "Oo naman ate." Wala sila ate Cynthia ngayon dahil doon sila natulog sa bahay nila Kuya Roy. Hindi rin alam ng mga ito na ngayon ang alis ko. Minabuti ko na ring huwag sabihin sa kanila iyon.Alas tres palang ng madaling araw at si Wren at Marco ang maghahatid sa akin sa sakayan ng bus. Hindi na ako nagpasama kay tatay dahil baka doon pa kami mag iyakang dalawa sa termin
"Uh, huwag mo nalang pansinin iyang dalawa. Sige na, ilagay mo na sa kwartong yun ang gamit mo tapos kumain na tayo. " Pag iwas ni Jessie sa nagtatakang mukha ko. Sinunod ko na lamang ang sinabi niya at muling lumabas para kumain."Ay ate girl, ilang taon ka na ba? Alam mo pwede ka sa pinapasukan namin. " Sabi sa akin ni Misha."Gaga! Huwag si Lyrica, pure yan! " singit agad ni Jessie pagkaupo sa harap ng hapag kainan."Sus, sa hirap maghanap ng trabaho ngayon rito sa Maynila e sigurado akong doon din ang bagsak niya. Don't worry, aalagaan naman natin siya doon. Akala mo naman hindi ka sa ganon nagsimula." Sabi ni Misha kay Jessie.Napabuntong hininga na lamang si Jessie."Uh, so Lyrica ang totoo kasi niyan hindi ako sa opisina nagtatrabaho. Hindi kasi ako matanggap tanggap sa mga kompanya rito sa Maynila noon." Panimula niya. "Ayun, sa isang high end na bar ako nagtatrabaho pati na rin itong dalawa. Hindi alam sa probinsiya natin kaya sana ay huwag mo na ring mauulit kay Mildred. So
9Maagang nagsimula ang araw ko habang sila Jessie naman ay matutulog pa lamang. Inimis ko na ang mga dapat kong imisin. Sinabihan na rin ako ni Jessie kung alin ang mga dapat at hindinko dapat galawin sa loob ng apartment.Nang makatapos ako sa mga dapat kong ayusin ay nag ayos na rin ako para sa unang araw ko ng paghahanap ng trabaho. Suot ko ngayon ang itim kong slacks noong ako ay pumapasok pa ng kolehiyo pati na rin ang katerno nitong pang itaas, kulay ube naman iyon. Nagpulbo na rin ako at naglagay ng kaunting lipstick para naman hindi ako maputla mamaya. Alas siyete pa lang ng umaga pero maingay na sa labas. Isinuot ko na ang itim kong doll shoes saka umalis. Itinext ko na lamang ang mga kasama ko sa bahay para pagkagising nila ay hindi na nila ako hahanapin. Sumakay na ako ng tricycle, inilista ko na sa papel ang mga lugar na pupuntahan ko ngayon. Inuna ko na ang pinakamalapit sa apartment."Good morning po Sir, dito po ba yung may hiring ngayon? " Tanong ko sa guard na nas
10Hindi ko alam ang gagawin ng biglang tumawag isang umaga si Annika. Umiiyak ito kaya naman kinabahan ako ng sobra."Ate! Si Ambet, isinugod namin sa ospital! Sobrang taas ng lagnat niya at kinumbulsiyon pa ate! " Umiiyak na sabi nito sa akin."Si Lyrica ba iyan? Akin na at kakausapin ko." Rinig ko rin ang natatarantang pagsasalita ni Ate Cynthia."Hello Lyrica! Nandito kami ngayon sa ospital, sobrang taas ng lagnat ni Ambet. Padalhan mo kami ng pera. Kailangan na kailangan ng pamangkin mo ngayon." Aligaga pa rin si Ate.Napaiyak na lamang ako. Kanino ako uutang ng pera? Wala pa akong nakukuhang trabaho."Sige ate... Magpapadala ako agad kapag nakahiram ako rito. Balitaan niyo ako agad tungkol sa kalagayan ni Ambet." Umiiyak na sabi ko."Oo, magpadala ka kaagad. May ipinapabiling gamot ang doktor. Wala kaming pambili." Napatulala lamang ako. Si Jessie, baka kahit dalawang libo may maipahiram siya.Inintay kong magising si Jessie. Ngunit naunang lumabas ng kwarto si Shiela."Oh, ano
11Mag aalas siyete na ng dumating kami sa Valiente. Napakaganda ng building ng bar na ito, moderno ang diseniyo at sa unang tingin ay hindi mo maiisip na isa itong gusali para sa pagbibigay aliw."Lyrica, doon muna tayo sa make up room namin. Baka mamaya pa si Sir Kyros." Sabi sa akin ni Misha."Aba Jessie, Misha sino iyang kasama ninyo? Ipapasok niyo ba iyan dito? " Nakangising sabi ng guard sa gusali. Malaking lalaki ito at ang lalaki ng braso kaya naman napangiwi ako at nagtago sa likod ng dalawa."Ay nako Andoy! Huwag mo namang takutin si Lyrica! " Humahalakhak na sabi ni Misha."Huwag mo naman akong tawaging Andoy sa harap nitong kasama ninyong magandang dalaga. You can call me Anderson Madam Lyrica." Nakangiting bati nito sa akin."Yuck! Hindi bagay sa iyo Andoy. Anong Anderson ka riyan?! " Pang aasar pa rin dito ni Misha."Tigilan mo nga si Andoy, Misha! Medyo mahiyain pa itong si Lyrica. Babantayan mo ito lagi ha? Waitress lang ang papasukin nito dito e." Tukoy niya sa akin.
12May kalahating oras na yata akong naghihintay, inabala ko na lamang ang sarili ko sa pagmamasid sa opisina.Napabuntong hininga na naman ako dahil sa inip.Maya maya pa ay bumukas muli ang pintuan. Agad naman akong napatayo dahil sa gulat.Akala ko ay si Mama Julio na ang dumating ngunit nagkamali ako. Isang matangkad at maputing lalaki ang dumating, kapansin pansin ang magandang pares ng kanyang mata, kulay light blue iyon na animo'y nyebe, napakalamig niya ring tumingin kaya naman napaayos ako ng tayo. Siya na siguro si Sir Kyros. Naka three-piece suit ito na kulay itim, nakaitim rin itong black shoes na tumutunog sa malamig na sahig habang humahakbang siya."Magan...dang gabi po Sir Kyros." Nauutal na sabi ko sa lalaki.Napataas naman ang kilay niya saka bahagyang ngumiti. Umupo siya sa kanyang upuan habang ako ay nanatiling nakatayo sa harap niya."Uh, ako po si Lyrica, 24 years old na po ako. Mag aapply po sana ako bilang waitress dito po sa Valiente. Isinama po ako dito ni Je
13"Oh, madam Lyrica uuwi ka na?" Bungad na tanong sa akin ni Andoy ng makalabas ako ng Valiente."Uh, opo. Bukas na raw ako magsimula sabi ni Sir Kyros." Nakangiting sabi ko rito."Aba mabuti naman kung ganon Madam. Halika, isasakay muna kita ng taxi. " Maginoong sabi nito."Naku, huwag na po. Kaya ko na naman po Kuya Andoy." Napangiwi pa siya dahil sa itinawag ko sa kanya."Madam Lyrica naman, Anderson nga kasi iyon. Ihahatid na kita, para mas mabilis kang makasakay. Kilala ko na halos ang dumaraang taxi dito. Mabuti na yung kilala ko kung sino ang nagsakay sa iyo." Nagkakamot sa ulong sabi niya."Pasensiya na po."Napahalakhak naman siya sa isinagot ko."Napakaseryoso mo naman madam Lyrica. Sige na, halika na. Huwag kang mag alala hindi naman ako nangangagat. Nakasanayan ko na ring ihatid ang mga katrabaho kong babae sa sakayan ng taxi, kabilin bilinan kasi iyon ni Bossing." Ngiti niya kaya naman napanatag ang aking loob. Sumunod na lamang ako sa kanya.Nang marating namin ang gili
14Naghanda na ako para sa unang araw ko sa trabaho. Sabi sa akin nila Jessie ay agahan ko raw ngayon dahil, ituturo sa akin ni madam Tina ang mga gagawin ko doon. Siya iyong tumawag kay Mama Julio kagabi. Kung si Mama Julio ay ang namamahala sa mga dancer ay si Madam Tina naman daw ang namamahala sa mga waitress, janitor at sa bartender. Iba't iba raw ang uniporme doon ng mga waitress depende raw sa araw.Umalis na ako at hindi na nagpaalam sa kanila dahil mga tulog pa ang mga ito.Binati ako ni Andoy ng makarating sa Valiente. Nginitian ko lamang ito at mabilis na pumasok sa loob ng Bar."Magandang hapon po, kayo po ba si Madam Tina? " Tanong ko sa babaeng nakita ko sa harap ng liqour stand. Sa tingin ko ay kaedad lamang ito ni Mama Julio."Yes hija, you must be Lyrica. ""Opo Madam Tina." Nakangiting sabi ko sa kanya. "Naikuwento ka na sa akin ni Juliana. Halika rito, ipapakita ko sa iyo kung saan mo pwedeng ilagay ang mga gamit mo." Mabuti na lamang talaga at mababait ang mga