CHAPTER 16

Iika-ikang naglalakad si Janina habang nakakapit sa kanang braso ni Morriss na siyang may kasalanan kung bakit ganito ang sitwasyon ng dalaga ngayon. 

" Hindi ko inakala na bayolente ka pala, " pangongonsensiya ni Janina saka huminto sa paglalakad upang muling silipin ang kaliwa niyang paa. " Ang sakit pa rin talaga niya. Pakiramdam ko mapuputulan ako ng paa nito kung lalakarin pa rin natin—"

" Sige na, pumasan ka na. " Binawi ni Morriss ang braso niya mula kay Janina saka naupo patalikod sa harapan nito upang ipasan ang dalaga. 

Pigil ang ngiti ni Janina habang pinagmamasdan ang malapad nitong balikat. " Baka naman ihulog mo ulit ako kagaya kanina? " 

Lumingon ito sa kaniya. " Sinakal mo ako kanina kaya natural lang na ihulog kita. "

" Hindi ko naman sinasadya 'yon! N