Chapter 10

Avoiding

“THANK you so much sa palibre mong lunch huh, Nessa? Hayaan mo, bukas papasalubungan kita ng Ube Pastillas ng lola ko,” wika niya dito habang palabas na sila sa isang affordable restaurant ng mga empleyado na katulad nila.

“Wow. Ube, favorite ko `yun. Talaga, dadalhan mo ako bukas?” Namimilog ang mga mata nito.

“Yup. Masarap `yun, gawa ni Lola,” pagbibida ulit niya.

“Sige, aasahan ko ’yan bukas sa pagsulpot mo pa lang sa office. Hahanapan agad kita.”

“Noted ’yan.” Kumindat siya.

“Tara na! Malapit na pala mag-ala-una ng tanghali. Pinakaayaw pa naman ni Sir ay ang late comers,” sabi nito saka sila nagmamadali sa paglalakad. “Anyway, Dynee. I already handed your resume to our boss. Wala naman siyang concern, pero may sinabi siya sa akin.”

“Ano’ng sinabi niya?” Agad niya itong nilingon. “Oh, pardon,” Nahihiya niyang hingi ng paumanhin sa mga taong kasabayan nila sa elevator. “Anong sinabi niya?” bulong niya kay Nessa.

Hindi pa ito nakakasagot nang bumukas ang elevator. Nau