Chapter 10

🔥🔥🔥🔥🔥

"Okay ka lang?" tanong ni Shaina kay Sunday na nakaupo sa counter habang hinihintay na makuha ang order ng costumer. Kanina pa niya napapansin na tahimik ang kaibigan at parang may iniiwasan. "Sino bang iniiwasan mo, hindi ko naman s'ya nakita dito," tukoy niya kay Matteo. Nasa isip kasi niya'y may nangyari na naman sa shop kaya't iba na naman ang aura ng kaibigan. Ibang klase ang pananahimik nito ngayon.

Hinarap s'ya nito. "Wala naman. Mayroon ba akong dapat iwasan?"

Napaisip naman s'ya. Gusto sana niyang tukusuin ito pero parang mali na gawin 'yon ngayon. Baka hindi naman iyon ang dahilan. P'wedeng sa pamilya nito.

"Sige, dalhin ko na muna ito."

Pinanood niya ito hanggang sa paglalagay ng in-order ng kostumer. Kahit pinipilit nitong magmukhang normal ay hindi nakalalagpas sa kaniya ang malungkot na kislap ng mga mata nito. 

Napabuntong-hininga s'ya. Sadyang may pagkamalihim si Sunday at iilan lamang na problema an