5-New Friends

"What?!" Nanlalaki ang mata ni Clara na nakatingin kay Sandra.

Nandito sila ngayon sa may canteen dahil lunch break. Naikwento niya kasi rito ang nangyari sa kanyang dating trabaho.

"Hinaan mo nga 'yung boses mo, agaw pansin lang," bulong niya rito habang ginagala ang tingin.

"Kaya naman pala nagtataka ako at ang bilis mong pumayag. Tapos ok lang na mag-start ka na, 'yun pala wala ka ng work. Kung hindi pa kita tinawagan wala kang balak ipaalam sa akin. Anong klase kang beshie." Pinalungkot pa nito ang boses na tilang aping-api. Nabaling tuloy ang tingin niya rito at pinagmasdan ito. Umakto pa itong maiiyak. Ito ba talaga nagagawa ng pagbubuntis? Nasisiraan nang bait; kung ganun, 'ayoko na mabuntis... joke lang.' "Matino pa ako beshie kaya tigilan mo 'yang iniisip mo. Nakakapagtampo ka naman talaga, eh." Muli nitong hirit.

Napailing na lang siya. She knows her well. Uminom muna siya ng tubig bago ito hinarap. "Sorry na beshie, masyado kasi mabilis mga pangyayari. Magulo pa 'yung utak ko. Alam mo naman kapag nasapian ako. Saka, I tried to call you but you're not picking up. Ako yata magtatampo dahil nakalimutan mo na ako porket may boyfriend ka na. Speaking of that guy, kelan mo naman ipapakilala sa akin? Nakapagpunla na siya sayo pero never ko pa siya na-meet." Siya naman ang umaktong nagtatampo rito.

"So, tampo ka na niya beshie? Paano ko ipapakilala, lagi tayong busy 'di ba? Pag- free kami, ikaw hindi. Kapag free ka kami naman, hindi. Pero don't worry you will meet him later, susunduin niya ako," kinikilig nitong sabi.

Magsasalita pa sana siya nang biglang may umupo sa bakanteng silya sa table nila. Tiningnan niya ang tatlong tao na bigla na lang nagsiupo nang walang paalam.

'Wala ba talaga manners mga tao rito parang si dragon lang.'

"Clara, ipakilala mo naman kami sa magandang binibini sa tabi mo," wika ng isa sa mga lalaking naupo.

She looks at the guy, his good looking, alright, pero mapaghahalataan na isa itong playboy.

"Raymond, don't try, dahil hindi kayo talo niya." Napangiwi siya sa sinabi ni Clara.

Baliw talaga kahit kelan, hindi na nagbago.

"By the way, guys. She is Sandra Lyn Santiago. The new secretary, kapalit ko, so, I hope maging mabait kayo sa kanya. Ipagkakatiwala ko siya sa inyo," dugtong pa nito bago humarap naman sa kanya. "Beshie, siya si Raymond," turo nito sa lalaking nagsalita kanina, "siya naman si Jayson pag nandito sa work," nilapit pa nito ang bibig sa may tenga niya at bumulong, "Dyesebel pag sa gabi," sabay hagikhik nito.

"Hoy, Clara ayusin mo nga 'wag mo ako siraan baka mapanganak ka nang dis-oras dito," reklamong wika noong Jayson. Malalim ang boses nito pero kita niya ang paglantik ng mga daliri nito.

Confirm. Napangiti siya.

"Bakit hindi ba totoo?" Laban pa din ni Clara. Bumaling muli ito sa kanya. "At siya naman si Sarah, mabait naman 'yan lalo na pagtulog." Nakita niyang sinamaan noong tinuro nitong Sarah ang kanyang beshie.

'Mukhang magkakasundo kami.'

"Nice to meet you all," nakangiti niyang wika sa mga ito bago inabot ang kamay para makipag handshake sa mga ito. Isa-isa naman tinanggap ng mga ito ang kanyang kamay. Ang huli ay si Raymond na nagtagal at bahagya pa nitong pinisil, bigla niya tuloy binawi ang kamay.

"Raymond, back off ok. Like I said don't try baka mabalian ka ng buto," pagbabanta ni Clara rito. Ngumiti lamang si Raymond.

"You mean Clara, she's lesbian?" singit na tanong ni Jayson.

Napansin niya ang pagtuon ng tatlong pares ng mga mata sa kanya. Napailing na lang siya at pinagpatuloy ang pagkain.

"That's for you guys to find out," nakangising wika ni Clara. "Kayo ba ay 'di magsisikain?"

"Tapos na kami, palabas na dapat kami nang makita ka nga namin nang may kasama kaya naisipan namin lapitan kayo," sagot ni Sarah at muling ibinalik ang pansin sa cellphone nito.

"Para makipag tsismisan. Kayo talaga ayaw n'yong nagpapahuli sa balita. Tsk! Pero guys basta kayo na bahala dito sa beshie ko, ah. Raymond, sinasabi ko sayo tantanan mo itong beshie ko kahit na gusto ko na siyang maging babae ay hindi kita type para sa kanya." Dahil umiinom si Sandra ng tubig ay bigla siyang nasamid sa tinuran ni Clara. "Uy, beshie ok ka lang ba?" nag-aalalang tanong nito at hinagod pa ang likod niya.

"Ayos lang ako beshie. Ikaw naman kasi, ano ba 'yang pinagsasabi mo baka mamaya maniwala pa mga 'yan." Tinaasan niya ito ng isang kilay.

"Problema na nila 'yun kung maniniwala sila, 'no."

"So, ibig sabihin walang chance na magkaroon sila ng future ni Boss?" tanong ni Jayson.

Napakunot noo naman siya dahil sa narinig, hindi niya kasi ito maunawaan.

"Syempre meron 'no, si Dragon kaya ang bet ko sa kanya," kinikilig na wika ni Clara

Lalong kumunot ang noo niya. Ang kilala niya lang naman na dragon ay si Mr.Villaflor. Maya-maya ay bigla niyang na-realized ang paksa ng mga ito. Nawala ang pagkakakunot ng noo niya at pumalit ay ang pamimilog ng kanyang mga mata na bumaling sa kanyang beshie. Nakita niyang nakatingin din ito sa kanya at nakangisi. "Clara Dizon, tigilan mo 'yang pumapasok sa utak mo. Nabuntis ka lang kung ano-ano na naiisip mo. Trabaho lang ang ipinunta ko dito," wika niya dito.

"Wait, sinong dragon?" naguguluhang tanong ni Jayson.

Yumuko si Clara at isinenyas ang kamay na ilapit ang mga ulo nila. Nagsisunod naman ang mga ito pwera sa kanya na hindi pa rin maipinta ang mukha. "Dragon ang tawag ni Sandra kay Mr.Villaflor," mahina bulong ni Clara. Narinig niyang napasinghap ang tatlo, habang si Clara naman ay tumatawa.

"Oh my gosh, girl!" Lumitaw ang pagkabakla ni Jayson dahil sa pagkakabigkas nito sabay takip pa sa bibig.

Naiiling naman si Sarah habang nangingiti, habang si Raymond ay makikitaan nang amusement sa mga mata nito.

"Hoy, beshie, baka kainin mo 'yang sinasabi mo. Baka kapag nakita mo ang buddy ni Dragon kusa kang kumanta," ngising aso turan ni Clara.

"Bakit nakita mo na ba, girl? Daks ba?" nanlalaki ang mga mata na tanong ni Jayson.

"Hindi. Pero 'yung kay boyfie, daks kaya sigurado pati 'yung kay dragon. Syempre magpipinsan mga 'yun, 'no." Sabay hagikgik nito na tila kilig na kilig.

Hindi niya napigilan mapamura. "F*ck beshie, kailan ka pa naging bulgar ng ganya," namamangha niyang tanong dito.

"Simula nang matuto akong kumanta at sumayaw nang walang music," ngising asong tugon nito.

Nakita niyang natatawa ang tatlong kasama nila. Alam niya ang tinutukoy ng kaibigan, hindi naman siya inosente pagdating sa ganung bagay pero, hearing that from her beshie is really unexpected.

"Gulat na gulat si Sandra sa mga pinagsasabi mo, Clara. Mukhang hindi yata siya sanay sa bagong katauhan mo," nangingiti na wika ni Raymond.

So, matagal ng ganito ang beshie niya at wala siyang kaalam-alam na na-corrupt na nang tuluyan ang utak nito.

"Basta ipagkakatiwala ko siya sa inyo, ah. Kailangan ma-corrupt din utak niya para naman may laban siya kapag...ah basta. Sige na oras na, magsibalik na tayo at baka mabugahan tayo ng apoy ng dragon," mahaba nitong pahayag at nauna ng tumayo.

Napilitan siyang tumayo na rin at sabay-sabay nilang tinahak ang daan palabas sa canteen.