61-Pain

PAGKATAPOS nila mag-usap ni Clara ay dumiretso na si Sandra pabalik sa opisina.

Hindi pa rin mawala sa kanyang isipan ang napag-usapan nila ni Clara. Hindi nga rin siya nakakain dahil tila hindi naman niya malunok ang pagkain. Kahit pinipilit siya ni Clara.

Walang impormasyong binigay tungkol sa ama ng batang dinadala ni Nicole 'yon ang sabi ni Clara.

Pagsapit ng uwian ay dumaan siya sa may isang restaurant. Balak niyang puntahan si Aj at kausapin ito. Napag-alaman niya na nasa condo ito nang tumawag siya sa mansion at wala ito. Buti na lang ay may kakilala siya sa condo nito at nasabi na nando'n nga ang binata.

Habang paakyat ang elevator sa floor kung nasaan ang unit nito ay tila may naghahabulang kabayo sa kanyang dibdib.

"Bakit ba ako kinakabahan?" kausap niya sa sarili.

Nang huminto ang elevator tanda na naroon na siya ay mabilis siyang lumabas at naglakad patungo sa unit nito.

Bawat hakbang niya ay dumadagdag ang kabang nararamdaman niya.

Pinilit niya labanan ang kabang unti-unt