7-Dream

Napapailing na lang si Sandra pagkakita sa gate nila na nakabukas na. Diretso niyang ipinasok ang kanyang motor sa garahe at ipinark ito nang maayos. Inalis niya ang kanyang helmet at bumaba na kay Sky.

"Ako na, pumasok ka na sa loob." Awat sa kanya ni Samuel nang tangkain niyang kunin ang cover ni Sky.

Napalingon siya rito, nakita niya ang seryosong mukha nito. Napakunot noo siya pero nilagpasan lamang siya ng kapatid, nabaling ang tingin niya sa may pintuan at nakita si Sammy na nakatayo habang nakasandal sa hamba ng pinto.

Napapangiti na lang siya at nagsimula na maglakad papasok. Siya ang matanda pero daig niya pa ang isang teenager sa inaasta ng kambal.

Nagtuloy-tuloy lang siya sa loob. Napatingin siya sa kanyang wrist watch, alas-dyes na, kaya pala ganun ang inaasta ng kambal. Baliw kasi si Clara imbes sa restaurant ay sa bahay ng mga ito sila nag-dinner. Nalaman kasi ng parents nito na magkasama sila. Malapit rin kasi ang loob niya sa mga ito. Kungbaga second parents na ang tur