Chapter 12

CHAPTER 12

‘SMILE. Because when I see your smile, it also makes me have a smile.’

Ito ang mga salitang nabasa ni Syler sa kulay blue na sticky note na nakadikit sa ibabaw ng lamesa niya sa opisina. 

Kinuha niya iyon at hindi niya namalayan na unti-unti na siyang napapangiti. May ideya na siya kung kanino ito galing kaya naman kaagad din niyang binura ang ngiti na ‘yon sa kanyang labi. She pursed her lips. Idinadaan lang siya nito sa paglalambing at panunuhol. Hindi siya kaagad bibigay kung iyon man ang intensyon ng note na ‘to.

“Sy.”

Napapitlag siya nang marinig ang pamilyar na boses na iyon. Halos lumundag sa dibdib niya ang kanyang puso. Hindi niya alam kung bakit sa tuwing ito ang bumibigkas ng pangalan niya ay masarap sa pakiramdam. Masarap sa pandinig. Para bang bigla na lang nawawala lahat ng iniisip niya.

“Hmm?” sagot niya nang hindi inaalis a