Kabanata 1911

SECOND GENERATION/GADAZA BABIES

KENAN GADAZA STORY

BOOK 8

UNEXPECTED ENTANGLEMENT: LOVE IN DIFFERENT TIMING

BLURB

Naging sideline ni Kenan Gadaza ang mundo ng entertainment industry bilang isa sa magagaling na mga direktor. Sikat siya, ngunit may pagkakataon na hindi siya kilala lalo na at hindi naman siya madalas magpakita sa harap ng camera dala ng iba pa niyang trabaho at responsibilidad sa kanilang pamilya. May-ari din siya ng isang entertainment media company kung saan humahasa ng mga bagong mag-aartista.

Hindi inaasahang isang araw, sa pagpunta niya sa set upang personal na mamili ng mga gaganap sa bagong pelikula na gagawin ay mapagkakamalan pa siyang isang maniac ni Phoebe Cervantes. Baguhang artista na tanging linya ng mapagkukunan upang patuloy na mabuhay ay ang kanya lang simpleng ganda at natatagong talento sa pag-arte.

Ang isang beses na pagkikita ay naulit nang naulit sa iba't-ibang pagkakataon, hanggang sa nagkabuhol ang sitwasyon kung saan sa kanilang damdamin ay may unti-unting umusbong na anino ng pag-ibig.

May pag-asa ba silang maging maligaya kung ang first impression sa bawat isa ay hindi maganda?

Hanggang saan sila dadalhin ng mapaglaro nilang damdamin at ng tusong tadhana?