CHAPTER 34 - BLACK PHOENIX

“Sir, patawarin n’yo po ako. Nangangako po ako, hindi na mauulit. Sumusunod lang po ako sa utos ng Mommy n’yo sir.” mabilis na lumuhod si Conrad, habang nakatingin sa nakapamewang na boss niya. Matuwid itong nakatayo at nakatalikod sa kanya habang nakatanaw sa bituin na nagpapalitan sa pag kislap sa kalangitan. Kahit hindi niya nakikita ang mukha ng boss nya, alam niyang galit na galit ito ngayon dahil natuklasan nito na in-edit niya ang Cctv Footage. Nakita niyang inubos nitong tunggain ang laman ng alak sa loob ng kopita na hawak nito.

Bang ! Crack!

Napapikit siya sa sobrang takot ng makita ang boss niya na humarap sa kanya at galit na hinagis ang kopita na hawak sa harapan niya.

“Ilang taon ka na sa pagseserbisyo sa akin, Conrad?” kita niya ang pag-ngitngit ng mga ngipin nito habang nakatingin sa kanya.

“Sa–Sampung taon, Sir,” nauutal niyang sagot.

“Sampung taon! But you still managed to fool me!” Dumadagundong ang boses nito sa sobrang galit. Nanlilisik ang mga mata nito hab