CHAPTER 55 - THE BLOOD MERCENARIES

Matapos nilang bumalik sa Planetarium, nagkanya-kanya ng trabaho ang lahat ng mga tauhan niya ayon sa kanyang inutos. Papasok na sana siya sa kanyang chamber ng biglang lumuhod ang isa sa kanyang mga tauhan sa kanyang harapan dahilan upang huminto siya sa paglalakad.

“My Lord, patawad po, ngunit nakatakas po ang dalawang bihag natin.”

Hindi man lang niya pinag-aksayahan na tingnan ang tauhan niya na lumuhod sa kanyang harapan. Pinasok niya ang dalawang kamay sa bulsa ng pantalon niya. “Bakit nakatakas?” kalmado niyang tanong ngunit ramdam ng lahat na mga nakapaligid sa kanya ang takot.

“M–my Lord, hindi ko po alam kung bakit, ngunit pagbalik ko po sa kanilang kulungan, wala na po sila.”

“At nasaan ka?” unti-unting lumiliit ang pasensya niya.

Namumutla ang tauhan nag nagbabantay sa bihag. Pautal-utak itong sumagot. “Ka-kasalukuyan po ak-akong may ginagawa noong tumakas sila, m-my Lord.”

“Baril,” isang salita lang ang binigkas niya ngunit naintindihan agad iyon ni Levi na kanyang na