31.

Habang tumatakbo si Dark, tila bumagal ang lahat sa kanyang paligid. Para bang siya lamang at si Roxane ang gumagalaw sa isang mundong biglang naging tahimik at mabagal.

Pakiramdam niya’y nasa slow motion ang bawat hakbang nila. Ang higpit ng pagkakahawak ni Roxane sa kanyang kamay ay tila isang kumpirmasyong totoo ang lahat ng ito—na hindi lamang ito panaginip.

"Ito na ba ang pakiramdam ng tumatakbo sa tabi ng taong mahal mo?" tanong ni Dark sa kanyang isipan, habang ang puso niya’y kumakabog nang walang kapantay. Kahit may mga humahabol, kahit nasa gitna sila ng kaguluhan, parang wala siyang ibang iniintindi kundi ang dalagang kasama niya.

Sa kabila ng adrenaline at ingay ng mga bodyguard na sumisigaw mula sa di kalayuan, nangibabaw pa rin sa kanya ang kakaibang saya—at ang ideya na, sa sandaling iyon, si Roxane ay pumayag na ring pakasalan siya.

Mabilis ang naging pangyayari—tila isang eksenang hango sa pelikula lang nagaganap. Agad na nakasakay sina Dark at Roxane sa kotse, naiwan