Nagtatakang napatingin sa kaniya si Annie. Naguguluhan.
“Naaalala ko pa noong pinakasalan ko siya ay ikaw ang unang- unang tumutol sa kasal namin pero ngayong nalaman mong naghiwalay kami ay nagagalit ka pa. Hindi ba dapat ay ikaw ang unang maging masaya dahil tuluyan na kaming maghihiwalay?” tanong niya rito.
“Noon iyon, iba na ngayon. Noong una aaminin ko na hindi talaga kita gusto noon para kay Lucas pero noong makilala kita ay nag- iba ang pagtingin ko sayo. Isa pa ay kasal na kayo, ang kasal ay dapat ninyong pahalagahan dahil hindi naman isang laro ang pagpapakasal. At isa pa…” ibinitin nito ang sinasabi at nagpatuloy, “Mas bagay ka pa rin naman para kay Lucas kaysa sa Trisha na iyon.” makahulugang sabi nito sa kaniya bago siya nito tinalikuran. Hindi na niya nagawang magsalita pa o ni sumagot man lang rito.
Naipilig na lamang niya ang kanyang ulo at mabilis na tumalikod din doon upang tawagin na lamang niya ang driver. Kailangan na niyang maiuwi ang kanyang asawa. Mabilis niya namang natawag ang driver at pagkatapos ay tinulungan siya nitong alalayan si Lucas patungo sa kotse. Habang nasa sasakyan ay hindi lubusang maisip ni Annie ang dahilan kung bakit ito naglasing kaya muli na naman siyang napahugot ng malalim na buntung- hininga.
Ilang sandali pa nga ay nakarating na rin sila sa wakas sa kanilang bahay at pinagbuksan sila ng pinto ng driver. Katulad kanina ay tinulungan na naman siya nitong alalayan si Lucas pababa ng sasakyan dahil kung mag- isa lamang siya ay alam niyang hindi niya makakaya lalo pa at mas mabigat ito sa kaniya.
Pagkababa nila ng sasakyan ay mabilis niyang inilagay ang braso ni Lucas sa kanyang balikat at inalalayan itong maglakad ngunit nang mag- angat siya ng kanyang mga mata ay nabigla siya sa lalaking nasa harap nila ng mga oras na iyon walang iba kundi ang Daddy ni Lucas, si Alejandro Montenegro.
“Dad ka- kanina ka pa ba?” halos nauutal na tanong niya rito at pilit na binabalanse ang kanyang timbang.
Nakita niya kung paano nito tingnan si Lucas na nasa tabi niya.
“Lasing na lasing. Hindi man lang marunong magkontrol ng sarili.” napapailing na sabi nito at bakas sa mukha nito ang pagkadismaya.
“Dad hindi naman siya araw- araw na ganito. Nag- inom lang naman siya dahil kasama namin ang mga kaibigan namin para sa selebrasyon ng pangalawang taon ng anibersaryo namin at kaya siya nalasing ng sobra dahil ang mga shot na para sana sa akin ay, ay siya ang uminom.” paliwanag niya rito.
Mabuti na lamang at mukhang nakumbinse niya ito sa kanyang paliwanag.
“Ganun ba.” sabi nito at pagkatapos ay naglakad ito palapit sa kaniya at inabot ang isnag box. “Kaya ako nagpunta rito para ibigay sayo iyan. Regalo namin ni Papa sa iyo para sa anniversary ninyo. May ginawa pa kasi ako kaya ngayon ko lang iyan nadala sayo, sana ay magustuhan mo. wala akong ibang hiling kundi sana ay maging matatag ang pagsasama ninyong dalawa.” mahabang sabi nito.
Agad naman niyang inabot ang box. “Salamat po at pakisabi rin po kay Lolo na salamat.” sabi niya at hindi niya maiwasan na hindi maantig ang puso niya dahil nag- effort pa talaga ang mga ito para bigyan siya ng regalo.
“Ayaw mo bang buksan at tingnan?” tanong nito sa kaniya ngunit umiling siya at mabilis na ngumiti.
“Kahit na anu man ang laman nito basta galing sainyo ni Lolo ay magugustuhan ko po.” nakangiting sabi niya rito.
Napangiti naman ito at napailing dahil sa sinabi niya. “Isa kang mabuting bata at napaka- simple, higit sa lahat ay napakabait.” puri nito sa kaniya na pagkaraan ng ilang sandali ay dumako kay Lucas ang mga mata nito. “Kung sinasaktan ka niya ay huwag kang matakot na sabihin sa akin o kay Papa dahil hinding- hindi namin siya kakampihan.”
“Salamat po Dad. tatandaan ko ang sinabi ninyo.” sabi niya rito at ngumiti.
“O siya, iyon lang at aalis na ako. Gabi na rin naman. Magpahinga ka na. Aalis na muna ako.” paalam nito sa kaniya.
Agad niyang sinenyasan ni Annie ang kanilang driver upang ito na muna ang umalalay si Lucas at ipasok sa loob.
“Dad ayaw niyo po ba munang pumasok sa loob?” tanong niya sa ama ni Lucas.
Napailing ito. “Hindi na. Kailangan mo muna siyang asikasuhin at kapag natapos mo na siyang asikasuhin ay matulog ka na rin.” sabi nito at pagkatapos ay tinanguan siya. Nag- umpisa na itong maglakad paalis sa harap niya.
“Mag- ingat po kayo sa daan.” sabi na lamang niya.
Pagkaalis nito ay kaagad siyang pumasok sa loob ng kanilang bahay at umakyat sa kanilang silid kung saan ay naroon na si Lucas at naabutan niya itong nakahiga sa kanilang kama. Dahil nga hindi pwedeng hindi ito maligo dahil sa sobrang kalasingan nito ay kailangan niya ito liguin. Ibinaba niya ang hawak niya box sa kama at mabilis na hinawakan mga braso nito upang itayo.
Medyo nahirapan pa siyang ibangon ito dahil may kabigatan ito. Mabuti na lang ay naibangon niya ito at naalalayan patungo sa banyo. Pinaupo niya muna ito sa sahig at mabilis na isinindi ang gripo para mapuno ang bathtub. Lumabas muna siya pagkatapos upang kumuha ng towel at pagbalik niya ay naabutan niyang nakahiga na ito sa sahig.
Wala siyang nagawa kundi ang mapailing na lang dahil sa likod ng kagalang- galang nitong anyo ay inaabot rin pala nito ang katulad ng itsura nito ng mga oras na iyon. Lumuhod siya upang gisingin ito.
“Lucas bumangon ka diyan at ng maligo ka.” niyugyug niya ito para magising. “Hoy, gumising ka na diyan.” hindi ito sumagot. Napabuntung- hininga siya. “Kung ayaw mong gumising at bumangon diyan ngayon, bahala ka diyan. Manigas ka diyan sa sahig.” sabi niya rito at mabuti na lang dahil nakinig ito sa kaniya at hirap na hirap na bumangon dahil sa sobrang kalasingan.
Dahil nga hindi rin naman nito kayang maligo mag- isa ay tinulungan na lamang niya itong maligo. Hindi niya maiwasang hindi mapapikit ng maamoy niya ang gel na sabon na siya mismo ang pumili, amoy gatas at amoy mayaman talaga. Ngunit habang pinapaliguan niya ito ay ilang beses din siyang nasuka. Hindi na niya tinagalan pa ang pagpapaligo rito at mabilis na sinuotan ng roba.
Hindi na niya alam kung kaya niyang pang bihisan ito dahil ramdam na niya ang pagod niya. Inihiga na lamang niya ito basta sa kama. Dahil nga tapos na niyang maasikaso ito ay naisip niya na iyon na siguro ang tamang oras para magpahinga na siya. Handa na sana siyang umalis nang bigla na lamang siyang nagulat dahil niyakap siya ni Lucas mula sa knaiyang likod.
“Huwag kang umalis, dito ka na muna matulog sa tabi ko.” mahinang bulong nito at hindi niya naiwasan na hindi makaramdam ng tila isang palad na mainit na humaplos sa kanyang puso dahil sa pakiusap nito sa kaniya. Bumilis din ang tibok ng puso niya ng mga oras na iyon.
Ang nararamdaman niyang pagbilis ng tibok ng puso niya ay katulad lang din noong una niyang masilayan ang kagwapuhan nito. Palagi itong mukhang seryoso ngunit madalang lang itong maglambing kaya hindi na niya pinigilan pa o ni makipagtalo man lang rito at nagpaubaya na lamang siya. Ilang araw na lang naman ay maghihiwalay na sila, kung bukas na sila maghihiwalay ibig sabihin ay ito na ang huling pagkakataon na makakatabi niya ito sa pagtulog.
Hahayaan niya na lang muna na makatabi ito sa huling pagkakataon upang kahit na papano ay masaya ang huling sandali nilang magkasama.
“Sige kung iyon ang gusto mo.” mahinang tugon niya rito at pagkatapos ay sumampa na rin sa kama.
Dinampot niya ang kumot at kinumutan niya silang dalawa hanggang sa dibdib. Humarap siya rito at pagkatapos ay tinitigan ang kilay, ilong at labi nito. Ilang araw na lang ay hindi na niya makikita pa ang mukha nito mabuti na lang at ito mismo ang humiling sa kaniya na tumabi siya sa pagtulog rito. Isiniksik niya ang sarili niya rito kung saan ay awtomatiko namang pumulupot ang kamay nito sa kaniya.
…
Nagising si Annie dahil sa vibration ng kanyang cellphone. Nakapikit pa siya habang hinahanap niya ang kanyang cellphone at mabuti na lang at nahanap niya ito sa ilalim ng kanyang unan. Inaantok pa siya dahil halos hindi siya nakatulog ng maayos. Sinagot niya ito at pagkatapos ay inilagay ito sa kanyang tenga.
“Hello…”
“Annie?” natigilan siya at mabilis na napamulat ng kanyang mga mata nang marinig niya ang tinig ng babae sa kabilang linya. Boses iyon ni Trisha at hindi siya pwedeng magkamali sa kanyang narinig. Napatingin siya sa hawak niyang cellphone at hindi pala sa kaniya iyon kundi kay Lucas at hindi niya sinasadyang makuha ito at masagot ang tawag na para sana kay Lucas.
Dahil sa kanyang gulat ay mabilis siyang napabangon ng wala sa oras at umupo sa kama. Agad niyang niyugyug si Lucas na nasa kanyang tabi at natutulog pa.
“Hmm…” umungol ito at pagkatapos ay dahan- dahang nagmulat ng mga mata.
“Hinahanap ka ni Trisha…” sabi niya sabay abot niya ng cellphone rito.
Mabilis na bumangon si Lucas nang marinig niya ang sinabi nito at agad na kinuha mula sa kaniya ang cellphone. Umalis ito sa kama at pagkatapos ay lumapit sa bintana at hinawi ang kurtina. Nanatili siyang nakahiga sa kama at pinanuod lamang ito. Ilang minuto itong nakipag- usap kay Trisha at medyo malayo si Lucas sa kanya kaya hindi niya marinig ang pinag- uusapan ng mga ito.Tanging ang ekspresyon lamang nito ang kanyang nakikita. Pagkatapos nitong tapusin ang tawag ay lumapit sa kaniya si Lucas. Tiningnan niya ito na nakataas ang kilay.“Hindi ko sinasadyang masagot ang tawag ni Trisha. Hindi ba siya nagalit?” tanong niya rito.“Hindi naman. Ipinaliwanag ko sa kaniya kung bakit,” huminto ito at pagkatapos ay sumulyap sa kaniya. “At sinabi ko na mag- asawa tayo kaya normal lang na sa iisang kama tayo matulog.” sabi nito.“Yeah.” sarkistong sagot
“Doc, ano kasi buntis ako. Safe ba na inumin ko ang mga gamot na ibibigay mo sa akin?” napakunot ang noong tanong nito at muling tumayo. “Papalitan ko itong gamot at sa halip na inumin mo ay bibigyan na lang kita ng pangpahid.” sabi nito at muling naglakad paalis sa harap niya.“Pasensiya na po.” tanging nasabi na lamang niya.Pagkaalis ng doktor ay iyon naman ang eksaktong pagpasok sa loob ni Lucas. Bakas sa mukha nito ang galit kaya napalunok na lamang siya. Malamig na tumingin ito sa kaniya.“Marunong kana palang magsinungaling ngayon Annie.” malamig na sabi nito sa kaniya.Alam na niya kaagad kung ano ang tinutukoy nito. Ang pagsisinungaling niya tungkol sa pag- inom niya ng gamot.Mabilis siyang nag- iwas ng tingin rito at napayiko dahil alam niya na mali talaga siya. “Pasensiya na hindi ko intensiyon na magsinungaling sa
“Kailan kapa natutong magpa-cute—” hindi pa natatapos magsalita si Lucas nang bigla na lamang silang nauntog pareho dahil sa biglaang pagpreno ng kanilang driver.Mabuti na lamang sa dibdib siya ni Lucas napasubsob dahil kung hindi ay baka nagkabukol na siya ng wala sa oras.“Pasensiya na po Sir hindi ko po sinasadya.” paghingi ng tawad ng driver kay Lucas.Wala naman itong nagawa kundi ang mapabuntung hininga na lamang. “Mag-ingat ka sa pagmamaneho.” tanging sabi na lamang nito. Ilang sandali pa ay lumayo siya mula kay Lucas at umayos ng upo.“Kailan ka pa natutong magpa-cute ng ganuon?” muling tanong nito sa kaniya na ikinakibit balikat niya lamang.“Ikaw ang nagsabi sa akin na pakiusapan ka diba?” saad niya na gamit muli ang malambing niyang tinig at pagkatapos ay napangisi.Sa loob ng
Pagkaalis ni Lucas ay mabilis din naman sinenyasahan ni Trisha ang kasama nitong babae na si Lucy na iwan muna sila sandali. Naiwan silang dalawa na magkaharap. Akmang magsasalita na sana si Annie nang maunahan siya ni Trisha sa pagsasalita.“Ganun talaga si Lucas kapag ako na ang pinag-uusapan handa siyang gawin kahit ano para sa akin.” sabi nito na may halo pang pagmamayabang ang tinig.“Nakita mo naman na sinabi ko ng si Lucy na lang ang kukuha ngunit hindi siya pumayag.” dagdag nito at kung siya lang ang masusunod ay ayaw niya sanang marinig ang mga sinasabi nito at mga susunod na sasabihin pa nito dahil ayaw niyang marinig pa mula rito kung paano ito mahalagahan ni Lucas.Bigla niyang naalala ang mga mahahalagang araw sa kanila bilang mag-asawa. Hindi nga nakakalimutan ni Lucas ang kahit na anumang okasyon sa buhay nila ngunit laging si Kia lamang ang gumagawa ng paraan sa lahat, ang pumipili
“Oo.” sagot niya dahil magiging asawa naman na niya ang lalaking sinasabi niya na nagugustuhan niya sa matagal na panahon.Pero ngayon ay tila siya nagising sa kanyang panaginip. Kung nagsasabi man ito ng totoo ibig sabihin lang ay una pa lang ay nagsinungaling na sa kaniya si Lucas. Tatlong taon? Napakuyom ang kanyang mga kamay. Gusto niyang matawa dahil sa ginawa niya.Isa lang siyang panakip butas. Halos maiyak pa siya noon sa labis na tuwa dahil tuluyan ng tinanggap ni Lucas na kalimutan na si Trisha at gusto nitong magsimula ng bagong buhay kasama siya ngunit isa lang pala iyong palabas. Napakatanga niya talaga.“You are so naive Annie.” sabi ni Trisha at napailing. “Paano ka niya pakakasalan kung ako ang mahal niya? Isa pa ay alam mo ba kung bakit ka niya binigyan ng kasunduan na magsasama kayo ng tatlong taon pagkatapos ay mag-file ng divorce? Dahil para magkasama kaming
Hindi siya nakasagot rito at nagpatuloy pa rin ito. “Kung hindi dahil sayo ay matagal na sana kaming kasal ni Lucas at baka nagkaanak na rin kami.”Pinilit niyang maging kalmado sa harap nito sa kabila ng mga sinabi nito sa kaniya. Tumitig siya sa mga mata nito at pagkatapos ay sumagot.“Hindi ako ang may kasalanan ng nangyari sayo kaya huwag mong isisi sa akin. Sadyang naghahanap ka lang talaga ng sisisihin mo sa nangyari sayo.” taas noo niyang sinabi, hindi niya hahayaang apihin siya nito. “Oo alam ko na gustong- gusto talaga ako ni Lolo pero alam ko na may malalim siyang dahilan kung bakit hindi siya pumayag na kayo ang magkatuluyan ni Lucas. Isa pa, kung talagang naabot mo ang qualification para sa apo niya e di sana ay hindi niya ako pinili.” sabi niya rito.Kitang-kita niya ang pagpipigil nito at nasiyahan siya dahil sa nakita niyang reaksiyon nito kaya nagpatuloy siya.&n
Nang marinig ito ni Trisha ay bakas sa mukha nito ang gulat at pagkataranta. Agad nitong inabot si Lucas at humawak sa laylayan ng damit nito. “Pasensiya na Lucas hindi ko sinasadya.” malungkot na paghingi nito ng pasensiya. “Dapat ay hindi ko na ito inopen pa ulit dahil tapos naman na natin itong pag-usapan. Natatakot lang kasi ako, natatakot ako na baka sa dulo ay hindi pa rin tayo maging magkasama at ang isiping iyon ay tila ba unti-unting papatay sa akin.” mahinang sabi nito at inabot ang kamay nito at hindi nagdalawang isip na hilahin ito upang yakapin sa harap niya mismo. Hindi siya makapniwala, kung kanina ay napalampas niya ito ngayon ay tila ba gusto na niyang sumabog. Ang lakas ng loob nitong yakapin ito sa harap niya samantalang alam naman nito na asawa pa rin siya ni Lucas. Hindi na siya nito inirespeto. Sa kanyang gulat ay may malamig na boses silang narinig na dahilan kung bakit gulat na naghiwalay ang mga ito. “Kailan ka pa nagkaroon ng lakas ng loob na yumakap sa i
“Tita pasensiya na pero kahit na papano ay mayroon namang kayamanan ang aming pamilya.” sabi nito. “O talaga?” walang emosyon na tanong nito. “Naniniwala naman ako sa sinasabi mo at ngayon kung may dapat mang maging paborito sa pamilya niyo ay hindi ikaw iyon kundi ang kapatid mo lalo na ngayon na hindi kana makapaglakad. Hindi ka na makatayo ngayon at mas lalong hindi na makasayaw kaya nasisiguro ko na mas mabango na ngayon sa pamilya niyo ang kapatid mo. maipapayo ko lang sayon na kung may ipon ka man ay mas mainam ng huwag mo na lang itong gastusin sa mga walang kwentang bagay at ilaan mo na lang sa mga bagay na kailangan mo sa araw-araw.” mahabang pangaral nito na may halong pangungutya. Hindi nakasagot si Trisha ngunit bakas sa mga mata nito ang galit. “At anong sinabi mo? Bibili ka ng regalo? Katulad ng sabi ko sayo ay ilaan mo na lang ang pambili mo para sa mga gamot mo. huwag kang gumasta para lang magpabango sa mga tao.” dagdag pa nito. Sa loob-loob ni Annie ay tuwang-tu