Chapter 25.1

Biglang nataranta ang puso ni Annie at hindi niya alam kung ano ang gagawin niya ng mga oras na iyon. Nagpasya si Lucas na dadalhin nito doon si Trisha dahil hindi niya ito matiis, huwag nitong sabihin na ipakikilala na nito si Trisha sa lahat ng kamag-anak nito?

Pero paano siya? Ano ang magiging papel niya doon at ano siya ni Lucas kapag nagtanong ang mga tao kung sino siya? Agad na nawalan ng kulay ang mukha ni Annie at ramdam na ramdam niya na tila ba nawawalan siya ng lakas bigla at hindi sinasadyang dumulas ang hawak niyang cellphone sa kanyang kamay at nahulog sa sahig ng wala sa oras.

Agad siya nilingon ng kanyang Tita Malou at pagkatapos ay mabilis na lumapit sa kaniya nang makita nitong namumutla siya. “Hija anong nangyari? Bakit ganyan ang mukha mo? May sinabi ba sa iyong hindi maganda si Lucas?” nag-aalalang tanong nito at pagkatapos ay yumuko upang pulutin ang nalaglag niyang cellphone sa sahig.

Umiling siya at pagkatapos ay tiningnan ito. “Wa-wala naman po Tita.” nauutal