Chapter 25.2

Yuyuko sana si Cathy nang mapadako ang tingin niya sa pinakadulo ng lamesa kung saan may kausap itong babae at nakita niya kung paano ngumiti ang matanda. Bahagya siyang nagulat nang mamukhaan niya ang babaeng kausap nito, walang iba kundi ang babaeng itinulak niya sa pool kani-kanina lang. Habang nakatitig sa mga ito ay hindi niya maiwasang hindi makaramdam ng sobrang galit.

Nagulat siya nang bigla na lamang may nagsalita sa tabi niya at halos mapatalon pa siya sa sobrang gulat kaya napalingon siya rito. “Sino ang babaeng iyon na nasa tabi ni lolo? Bakit parang ngayon ko lang siya nakita at bakit nasa tabi siya ni lolo?” tanong ng kanyang ina sa kaniya.

Hindi siya sumagot at pagkatapos ay muling itinuon ang tingin sa dalawang masayang nagkwe-kwentuhan at pagkatapos ay agad na nagsalubong ang kanyang mga kilay. Umismid ang kanyang ina na nasa kanyang tabi at pagkatapos ay pinag-krus ang mga kamay sa dibdib.

“Tingnan mo ang babaeng iyon, napakalapit niya sa lolo mo at nakakausap pa hind