Chapter 28.1

“Kasi…” tumigil si Lucas at tila nag-isip. “Hindi ito masarap.” mabilis nitong sagot.

Mas lalo lamang kumunot ang kanyang noo dahil sa naging sagot nito. “Hindi masarap? Tikman ko nga muna.” sabi niya rito at pagkatapos ay akmang lalapit na sana rito nang bigla na lamang itong umatras at bago pa man siya makapagsalita ulit ay mabilis nitong ininom ang tsaa na laman ng tasa.

Ilang sandali pa ay ibinigay nito sa kaniya ang tasa na walang laman kahit na isang patak lang. Hindi makapaniwala siyang napatingin rito.

“Kulang pa ba sayo ang ininom mong kape kanina para mahimasmasan?” tanong niya rito.

Napailing ito. “Naman pala, e bakit mo ininom ang tsaa na para sa akin?” tanong niya ulit rito.

Bukod pa doon ay bigla niyang naalala na ayaw nito ng tsaa dahil minsang pinilit nitong uminom ng ganun ay bigla na lamang itong nasuka. Pero bakit ngayon ay ininom nito ang isang tasa ng tsaa na halos isang lagok lang ang ginawa. Muli siyang napatitig sa baso na wala ng laman.

Ilang sandali pa ay bi