PART 3-TWO, JOLEEN'S TEEN YEARS

Kadalasan pa nga noon kapag naglalaro sila at natataya ang mga pinsan niyang sina Teree at Danieca, kusa itong lalapit sa mga iyon para magpataya para lang maipasa na agad ng mga ito dito ang pagiging taya. Pero pagdating sa mga pinsan niyang lalaki at sa kanya, competitive ito. Talagang kahit abutin ng kinabukasan hindi ito magpapahabol sa kanya o sa mga pinsan niya.

       Tipikal na spoiled rich kid ito. Parehong laging abala sa kanya-kanyang trabaho ang mga magulang nito. Sunod lahat ng layaw nito dahil iyon lang ang kadalasang kayang ibigay dito ng mga magulang nito. Hindi ang oras o atensyon ng mga

iyon.

Kaya marahil noong bata pa ito ay madalas itong dumikit sa kanila ng mga pinsan niya o kung hindi naman ay sa mga pinsan nito upang kahit paano ay maranasan ang magkaroon ng mga kapamilya kahit sa loob lang ng ilang maiikling oras.