Simula ng sumakay ako dito sa jeep na lulan ko pauwi sa bahay ay hindi na maalis-alis ang tingin ng mga kapwa ko pasahero sa akin.
Ang mga kalalakihang nakasakay dito sa jeep ay nakangisi habang nakatingin sa akin, samantalang ang mga kababaehan naman ay parang diring diri na nakatingin sa akin. Titignan nila ako mula ulo hanggang paa.
Ano bang meron? Bakit gano'n sila makatingin sa akin? Lalo lang sumasakit ang ulo ko sa pag-iisip kaya hindi ko na lang sila pinansin.
"Siya 'yon diba?" rinig kong sabi ng isang babae na nasa harapan ko.
Nag-bingi-bingihan na lang ako. Tinakpan ko na lang ng panyo ang aking mukha at pumikit na.
Napamulat ako ng biglang tumunog ang cellphone ko na nasa bag, kinuha ko naman ito at binasa. Si Blessy ang nag-text isa sa mga kasamahan ko sa trabaho.
"Tasia alam mo na ba 'yong balita?" laman ng text message niya.
Ubos na ang load ko kaya hindi ko siya mareplyan, ipapasok ko na sana sa bag ang cellphone ko dahil narito na ako sa babaan papunta sa amin nang tumunog ulit ito. Tumatawag si Blessy.
"Manong para po," sabi ko sa driver at inihinto naman niya ang jeep.
Pagkababa ko sinagot ko agad ang tawag ni Blessy.
"Hello, Blessy ano 'yong sinasabi mong balita?" sabi ko habang nag-lalakad papasok sa eskenita papunta sa bahay.
"Tasia, kasi, wag kang mabibigla ha," hindi mapakaling sabi niya.
Napakunot naman ako ng aking noo. "Ano ka ba Blessy, sabihin mo na lang kasi," maalumanay naman na sabi ko, pero ang totoo kinakabahan na ako sa kung anong sasabihin niya.
"May kumalakat kasi sa social media na picture mo kasama ang isa sa pinaka mayaman na CEO sa buong mundo. Akala ko ba magcecelebrate kayo ni Troy ng 2nd anniversary niyo kaya ka nag-leave. Pinasahan kita ng load tignan mo 'yong picture na sinend ko sayo," natatarantang sabi niya.
Agad ko naman tinignan ang sinasabi niya. Muntik ko nang mabitawan ang cellphone ko sa nakita ko.
Nakita ko ang sarili kong walang saplot maging ang lalaking kasama ko ay wala ring saplot pero blurd ang mukha ng lalaki at 'yong mukha ko lang ang hindi.
Matagal kong tinitigan ang larawan sa cellphone ko, bakit kailangan umabot sa ganito. Ako na nga ang nawalan ako pa napasama sa mga matang mapanghusga.
Naririnig kong nag-sasalita pa si Blessy pero pinatay ko na ang tawag. Pinunasan ko ang luhang nasa pisnge ko. Nag-pasya akong takpan ang aking mukha gamit ang panyo habang nag-lalakad ako patungo sa amin para maiwasan ko ang tingin ng mga taong mapanghusga.
Binilisan ko ang paglalakad para makarating agad sa bahay, pero malayo pa lang ako rinig ko na ang sigawan nina nanay at tatay. Sinasaktan na naman ni tatay si nanay.
Tumakbo ako agad para pigilan si tatay sa pananakit kay nanay. Nang mahawakan ko ang kamay ni tatay ay malakas niya akong itinulak kaya bumagsak ako sa lupa.
"Huwag kang makialam dito, dahil sampid ka lang sa pamamahay ko. Hindi kita anak," marahas niyang sigaw sa akin habang dinuduro niya ako.
Bumangon ako para habulin si nanay dahil marahas siyang hinihila ni tatay papasok sa loob ng bahay. Natatakot akong mas lalo siyang saktan ni tatay. Nahawakan ko ang kamay ni nanay pero sampal lang ang natanggap ko mula kay tatay kaya napabitaw ako kay nanay at napaluhod sa lupa habang umiiyak.
Naipasok na niya sa loob si nanay, kinandado niya ang pinto at sumigaw siya mula sa bintana,
"Wala kayong pinagkaiba ng nanay mo! Wala akong anak na malandi at haliparot katulad mo! Lumayas ka at huwag na huwag ka ng babalik sa pamamahay ko!" sigaw niya.
Tumayo ako mula sa pagkakaluhod habang umiiyak. Nakita ko si nanay sa loob umiiyak rin katulad ko pero naawa ako sa kaniya, lagi siyang sinasaktan ni tatay.
Lumapit ako sa bintanang kinaroroonan ni nanay, "Nay," iyak ko habang pilit siyang inaabot.
Pinalo ni tatay ang kamay kong nasa loob ng bintana, "Umalis ka na sabi! Kapag hindi ka pa umalis sasaktan ko na naman tong nanay mong kagaya mo," sabi niya at aambahan na naman niya si inay pero...
"Tay! Tama na po, aalis na po ako huwag niyo nang sasaktan si nanay," nag-mamakaawang iyak ko kay tatay.
Muli ay lumapit ako sa bintana gano'n rin si nanay, hinalikan niya ang kamay ko at sinenyasan akong umalis na.
"Babalikan kita nay, babalikan kita," iyak kong paalam kay inay pero umiling lang siya.
Gusto ko na siyang mailayo kay tatay pero si nanay mismo ang umaayaw. Ayaw niyang iwan si tatay kahit na gano'n na ang trato nito sa kaniya.
Wala akong magawa kundi ang umalis at bumalik sa maliit kong apartment dito sa siyudad malapit sa pinagtratrabahuan ko.
Ramdam kong nanghihina na ang katawan ko kaya nag-pasya akong magpahinga muna, wala na akong lakas hindi pa ako kumakain simula kahapon.
Humiga ako sa munti kong kama na sobrang nipis na, pinunasan ko ang luha na patuloy pa ring dumadaloy sa pisnge ko at pumikit, ayaw pa rin tumigil ng pag-agos ng luha ko."Gusto ko ng matapos 'tong masamang panaginip na 'to. Mas malala pa ito sa masamang panaginip kundi bangongot na. Sana paggising ko wala na 'yong sakit. Sana makalimutan ko na ang nangyari at sana bumalik na ang lahat sa dati," munting dalangin ko habang nakapikit.
From: Babe (Troy)
"Hey Anastasia, I hope you're doing well. I had a lot of fun getting to know you, but to be honest, I don't think we have much in common. It was a pleasure to meet you. I wanted to express how much I appreciate our conversations and how much I would like to see you again, but I believe we aren't compatible and that this relationship isn't working for me. As a result, I'd like to cease all further contact with you and wish you the best of luck in the future, I'm sorry it’s over,"Akala ko paggising ko magiging maayos na ang lahat, pero nang mabasa ko ang text message ni Troy ay parang gusto ko na lang matulog habang buhay sa sobrang sakit na nararamdaman ko ngayon.
Maaga akong nagising para maghanda sa pagpasok ko sa trabaho. Isang buwan na rin ang nakalipas simula ng maging sikat ako sa social media. Isang buwan na rin akong hindi lumalabas ng apartment ko. Ubos na ang pang-isang buwang stock ko. Wala na rin akong pera kaya kahit ayuko pang lumabas kailangan kong magtrabaho. Ayukong mamatay sa gutom. Wala naman akong ibang aasahan kundi ang sarili ko. Pagkatapos kong mag-ayos ay pumasok na ako sa aking trabaho. Tama na ang isang buwan na pagmumukmok. Akala ko sa isang buwan ko na hindi pagpasok sa trabaho’y makakalimutan nila ang nangyari pero hindi pala. Ang ibang kasamahan ko’y hindi nagbago ang pakikitungo sa akin ngunit ang iba naman ay parang bumaba ang tingin nila sa akin. Unang araw ko sa trabaho pero gabundok na ang trabahong ibinigay sa akin ng mga katrabaho ko. Binibigay nila sa akin lahat ng uri ng trabaho, akala kasi nila’y hindi ko kayang magreklamo sa kanila dahil wala daw akong karapatan magreklamo. Gabi na nang makauwi ako
CEO’S (DANNIE) POV *TOK! *TOK! *TOK! Nagising ako sa sunod-sunod na katok mula sa pintuan ko. Sinulyapan ko ang orasan ko, pumikit ako ulit nang makitang 6am pa lang. Hindi naman maaga ang meeting ko ngayon kaya gusto ko munang matulog ulit. *TOK! *TOK! *TOK! May kumatok ulit kaya nag-takip na ako ng unan sa tainga ko. *TOK! *TOK! *TOK! “URGH!” sabi ko bago tumayo at binuksan ang pintuan ko at bumalik ulit sa higaan ko. “Sleepyhead! Wake up, Dannie!” rinig kong ssabi niya. Hindi ko mabosesan kung sino siya dahil inaantok ako, nanatili pa rin akong nakapikit. “I SAID, WAKE UP DANNIE!” sigaw niya sa tainga ko. Napabangon ako bigla. Sumimangot ako ng makita kong nakangisi sa akin ang nanay ng nanay ko, si Grandma. “Why are you here at my house so early?” tanong ko bago humigop sa coffee ko. Nasa harap ko si Grandma nag-kakape rin, hindi umiimik. Tinuloy ko na lang ang pagbrebreakfast ko. Ano kayang ginagawa niya dito sa bahay ko ng ganito kaaga. “Dannie, I'd like to have a gr
ANASTASIA’S POV Unti-unti kong minulat ang mata ko ng makarinig ako ng boses. Nasaan ako? Linibot ko ang aking paningin at tanging puti lang ang nakikita ko. “You’re awake, how are you feeling?” nag-aalalang tanong niya at ipinasok niya sa bag ang kaniyang cellphone. Nagulat naman ako sa kaniya dahil bigla na lang siya sumulpot at nag-salita. Hindi ko siya kilala, hindi pamilyar ang mukha niya sa akin. Tinignan ko siya ng mabuti, ang gara ng kasuotan niya pati na rin ang amoy niya pang mayaman. Sino kaya ang babaeng nasa harap ko? “Hey, stop staring at me,” sabi niya. Natauhan naman ako kaya iniwas ko ang tingin ko sa kaniya. Ang tantya ko sa edad niya ay nasa 40 years old. “Sorry po,” hingi ko ng tawad at yumuko na. Napahawak ako sa ulo ko ng biglang sumakit ito. Nataranta naman ang babaeng kasama ko dito at nag-tawag ng nurse. Dumating naman ang nurse at cheneck ako. Matapos niya akong i-check ay ngumiti siya sa akin. Nakakapagtaka. “Misis ano pong nararamdaman niyo?” tanong
“Manong para po,” sabi ko sa driver nitong jeep na sinakyan ko. Tumigil naman ito at bumaba na ako. Tinanaw ko ang building na pinagtratrabahuan ko, medyo malayo ang pinagbabaan sa akin ngayon ni manong. Hindi kasi pwede magbaba sa tapat ng building namin baka daw magkaroon ng traffic. Ang daming alam, kahit saan ka naman pumunta ngayon ay traffic na. Nag-simula na akong maglakad dahil baka malate na naman ako, buti na lang at umayos ang pakiramdam ko habang nag-bibihis ako kanina. Habang nag-lalakad naman ako ay may nahagip ang mata ko kaya napatigil ako at unti-unting tumingin sa loob ng isang restaurant. Nag-init bigla ang aking ulo sa nakita. Kitang-kita ko ang saya at galak sa kanilang mga mukha, samantalang ako ilang buwan nang nag-dudusa. Marahas kong itinulak ang pintuan at pumasok sa loob. May mga napatingin sa akin pero hindi ko sila pinansin. Nag-diretso lang ako sa pwesto nilang dalawa habang ang sarap ng higop nila sa kanilang mga kape. Nasa harap na nila ako pero hi
Maghapon akong umiyak nang makauwi ako hanggang sa gumaan ang pakiramdam ko. Ito ako ngayon, nakaupo sa harap ng hapag-kainan pero wala akong gana kumain. Nakatulala lang ako sa labas ng aking bintana. Meron akong narealize sa lahat ng nangyayari sa akin ngayon. Narealize kong wala na akong ibang maasahan kundi ang sarili ko na lamang. Sa nangyari sa akin, mahirap ng magtiwala akong muli. Napabuntong hininga ako ng makita kong hindi ko pa nagagalaw ang pagkain ko at tumutunog na rin ang tyan ko. Nagugutom na ata ang baby ko kaya kumain na ako kahit wala akong masyadong gana ay kumain pa rin ako. Pagkatapos ko kumain ay linigpit ko na ang pinagkainan ko. Habang naghuhugas ay naduwal na naman ako pero wala namang lumabas sa bunganga ko. Napasandal ako sa pader ng bigla akong mahilo. Unti-unti kong kinapa ang mga bagay na pwede kong masasandal hanggang sa nakarating ako sa kwarto ko at nahiga na. Ipinikit ko ang mata ko at nakaramdam naman agad ako ng antok. Araw-araw, tuwing uma
“Mama, mama wake up,” yugyog sa akin ng napakacute kong anak. Napangiti ako at unti-unti kong iminulat ang mata ko pero wala siya, anak ko nasaan ka? “Mama, mama please don't let me go,” umiiyak niyang Sabi. Umiiyak na rin ako. Gusto ko siyang hanapin para yakapin at patahanin pero hindi ko maigalaw ang aking katawan at nanatili akong nakahiga. “Anastasia,” may tumatawag sa pangalan ko. Napabangon ako bigla dahil pakiramdam ko ay parang nahuhulog ako sa walang kataposang bangin. Malalakas ang aking paghinga at napahawak pa ako sa aking dibdib sa bilis ng tibok nito. “Anastasia,” sambit niya sa pangalan ko at hinawakan niya ang kamay ko. Tinignan ko ang kamay na humawak sa kamay ko, sinundan ko ito pataas hanggang sa makita ko kung sino ang may-ari ng kamay na iyon. “Anong nararamdaman mo? May masakit ba sayo?” nag-aalalang tanong niya. Umiling lang ako habang nakatitig sa mukha niyang nag-aalala. Naramdaman kong may pinunasan siya sa pisnge ko, umiiyak pala ako. “Napaka iy
“We’re here,” basag sa katahimakan ni Dannie. Kanina pa kasi ako hindi kumikibo. Napapaisip kung tama ba itong nagawa kong desisyon. Napatingin ako sa labas ng bintana ng sasakyang lulan ko. Namangha ako sa nakita. Ang laki ng bahay na nasa harapan ko ngayon. Sino-sino kaya ang nakatira sa mala mansyong bahay na ito. Pinagmasdan ko ang kabuuan ng napakalaking bahay na nasa harap ko, napakasimple lang nito kung tignan. Hindi ko natuloy ang pagmamasid ng biglang may sumulpot sa likod ko at nagsalita, “I’m tired, Let’s go inside,” walang ganang sabi ni Dannie at pumasok na sa loob. Napasimangot naman ako, sinulyapan ko muna ang buong bahay bago ko siya sinundan papasok. Pero hindi ko aakalaing mas mamangha ako dito sa loob ng bahay, napakalinis at kumikinang ang buong paligid pwede pa akong magsalamin sa kinang nila. Napakamot ako nang makita kong nakatayo si Dannie sa hagdan at nababagot na nakatingin sa akin. “What?” maang-maangan kong tanong sa kaniya. Umiling lang siya at
"Good morning," bati sa akin ni Dannie ng makapasok siya dito sa kwarto ko. Ilang araw na siyang ganiyan ka sweet sa akin, iwan ko ba nasasanay na ata ako. Mag-iisang linggo na kaming magkasama dito sa bahay. Hindi na ako pinayagan pumasok sa trabaho ni Dannie simula ng muntik akong makunan pati na rin siya'y hindi pa pumapasok sa trabaho. Inaasikaso ako, kami ni baby, pakiramdam ko tuloy para kaming tunay na alam niyo na. Napangiti ako sa isiiping iyon. "Nababaliw ka na naman diyan, ngumingiti mag-isa," sabi ni Dannie. Hindi ko na lang siya pinansin at bumangon na para makapaghilamos ako at mumog. Pagkatapos ko maghilamos ay wala na si Dannie sa kwarto ko kaya nag-pasya na akong lumabas. Sumakay ako ng elevator pababa dahil pinagbabawal ni Dannie na gamitin ko ang hagdan pababa at baka madulas o mapagod raw ako sa taas ng kinaroroonan ng kwarto namin. Pagbaba ko’y binati ako ng mga katulong ng magandang umaga kaya binati ko rin sila. Hinanap ng mata ko si Dannie at ayon nasa gar