Chapter 37

" Hmm... Ang sarap!" Nakangiting bulalas ng dalaga pagkatapos tikman ang niluto niya.

Kahit pa kasi sinabihan siya ng binata na wag ng magluto ay nagpumilit pa din siya.

Masisisi ba siya nito kung gusto lang naman niyang matikman nito ang mga putaheng pinaghirapan niyang lutuin?

Simula ng malaman niyang marunong siyang magluto ay walang araw ang lumilipas na hindi siya nagluluto para dito. Pero kahit na kaylan ay hindi man lang ito nagawang tikman ng kasintahan.

Nasasaktan siyang nababalewala nito pero naiintindihan naman niya kung bakit ito nagkakaganon.

Nagalit ito sa kanya at hanggang ngayon ay nagseselos. Kahit pa sabihin niya na wala itong dapat ikaselos ay wala siyang karapatan pangunahan ang nararamdaman nito.

Kaya wala siyang ibang pwedeng gawin kung hindi ang ibalik na lamang ang nawala nitong tiwala sa kanya.

Nang matapos na niyang lutuin ang lahat ay sinimulan na niyang iayos ang kanilang hapagkainan.

Nang makitang nasa tamang ayos na ang lahat ay tinawag na n