Chapter 22

Chapter 22: Betrayal

THIRD PERSON

Hindi pa rin mapakali ang apat kataong nahulog mula sa isang sinkhole. Ang tangi nilang naiisip ay kung paano makalabas mula sa malalim na butas na iyon nang sa gayon ay mahanap ang tatlong kaibigan.

"This pathway's really strange. And to think, nasa loob ito ng isang bundok. Are you sure we're really going inside?" kinakabahang tanong ng nag-iisang babae sa kanilang grupo.

Nang mahulog kasi ang mga ito sa butas ay tumambad kaagad sa kanila itong lagusang papunta sa kung saan.

Kapuwa nagkatinginan ang mga ito at nagdadalawang-isip. Kung sana'y hindi sila nakalanghap ng Mana-Restraining Energy ay mabilis lamang silang makakaalis sa pagkakakulong doon. Ngunit, hindi naman nila maatim na maghintay roon ng isang oras upang manumbalik ang kanilang kapangyarihan.

At, isa pa rin sa palaisipan ng lahat ay itong pag-usbong ng nasabing enerhiya sa lugar na iyon, lalo't malayo ang bund