007

HUMUGOT ng malalim na hininga si Naomi nang dalhin siya ng maid sa magiging kwarto nila ni Nonoy.

"A-ate dito na tayo titira?" tila inosenteng tanong ni Nonoy.

Binalingan niya ito saka nilapitan. Bahagya siyang lumuhod para pumantay sa kapatid na naka-wheelchair pa rin.

"Nonoy, pasensiya na, huh!" Napakagat labi siya at bahagya yumuko nang bigla na namang tumulo ang luha sa kaniyang mga mata. "I-I'm sorry! Hindi ka naprotektahan ng ate." Kapag naaalala niya ang mga dinanas ni Nonoy, mas nadudurog siya. Napakainosente nito para maranasan lahat ng iyon.

"Ate, ok na si Nonoy, huwag ka na iyak." 

Mas bumuhos ang luha niya nang maramdaman niya ang palad nitong humaplos sa balikat niya. Paano nila nagawang saktan ang katulad ni Nonoy?

Pinahid niya ang luha. "Hayaan mo, Noy simula ngayon, kasama mo na palagi ang ate, ok ba 'yon?" Tumango ito at ngumiti. "Hindi na hahayaan ni ate na saktan ka ng kahit sino. Puprotektahan ka na ng ate." Niyakap niya ito ng mahigpit.

Nagsimula na siyang mag-ayos ng mga gamit nila ni Nonoy. Naligo na rin siya at nag-ayos ng sarili. Daig pa nila ang nasa isang condo dahil sa laki at ganda ng silid. May sariling comfort room, bathroom at mayroon pang malaking TV.

Mayamaya'y may kumatok sa silid niya. Binuksan niya iyon at bumungad ang katulong.

"Madam, Naomi, pinatatawag po kayo ni Mr. Alcantara."

Kumunot ang noo niya. "Ngayon?" Tumango ang katulong. "Sige. Nasaan siya?"

"Nasa office room niya, sa may taas, dulong silid," paliwanang nito.

Ngumiti siya. "Thank you po."

"Naku, huwag niyo na po akong i-po. Katulong lang ako dito."

"Mas matanda kayo sa akin," aniya.

Ngumiti ito. "Kahit na po.

"Ano palang pangalan mo?"

"Merry po." Nagpaalam na rin ito na babalik na sa trabaho.

Bumuntong-hininga muna siya nang makarating siya sa office room ni Grayson. Kumatok muna siya.

"Come in," seryosong sagot nito.

Pumikit muna siya ng mariin bago tuluyang binuksan ang pinto at dahan-dahang pumasok sa silid. Bumungad sa kaniya si Grayson na abala sa pagbabasa sa mga papeles na nasa harap nito.

"Good evening, Mr. Alcantara," bati niya pero hindi ito nag-angat ng tingin. Mas lalo siyang na-intimidate sa binata. Hindi dahil sa nakakatakot ang aura nito pero napaka-mystery at parang palagi itong seryoso.

May pinirmahan ito bago nag-angat ng tingin. "Have a sit, Naomi."

"Pinatawag niyo raw po ako," aniya na hindi makatingin ng diretso sa kaharap niya. Nadi-distract siya sa napakagwapo nitong mukha.

"Since, you're legally my wife, dapat alam mo lahat ng tungkol sa akin." May kinuha itong papel at inabot sa kaniya. "Here's some facts about me that you should know. Dapat mo akong makilala sa pamamagitan ng mga iyan para sa paningin ng lahat, totoo ang kasal natin."

Binuklat niya iyon. Mahilig pala sa mga aso si Grayson kaya pala maraming aso sa backyard ng mansyon. Pink ang paborito nitong kulay at ayaw nito sa maanghang na pagkain. Mahilig din ito sa ice cream at favorite cartoon characters nito si Doraemon. 

Napatikom siya ng bibig dahil muntik na siyang matawa sa nabasa. Seryoso? Paborito nito si Doraemon?

"Why are you laughing? Is there any problem?" seryosong tanong nito.

Pinilit niyang maging seryoso at umiling. "W-wala po. N-noted po lahat ito, Sir Grayson," aniya.

May kinuha pa itong papel at inabot sa kaniya. Ito 'yong pinirmahan niya kanina.

"Here's the contract."

"Contract?"

"This is a legal contract tungkol sa napag-usapan natin, terms ang condition sa magiging set up natin so, you're not gonna shock sa mga pwede kong gawin sa iyo."

Kumunot ang noo niya at agad binasa ang contract. "A-anong gagawin mo sa akin?"

Suminghap ito. "I'm not doing anything bad to you, Naomi, ok? Ang ibig kong sabihin, may mga pagkakataong may gagawin akong hindi mo inaasahan because you're my wife sa mga mata nila, para patunayan sa lahat na totoo ang kasal natin. I hope you understand what I'm trying to say."

"Like, kissing and hugging?"

"Exactly. Nandiyan sa contract ang mga dapat mong malaman para alam mo ang magiging reaction mo kapag nangyari iyon. Read it now and sign the contract after you understand what's written inside."

"P-pero hindi ba sila magduda sa bigla mong pagpapakasal at sa isa pang kagaya ko na malayo sa estado mo sa buhay?" Napakagt-labi siya. Ready ba siya sa magiging sitwasyon niya?

"Don't worry about that, Naomi. Naplano ko na lahat ng sasabihin ko, just go with the flow." Tumango siya. "And hindi lang ako ang dapat mong makilala, dapat ko ring malaman ang lahat ng tungkol sa iyo."

"Noted, Sir. Gagawa rin ako ng list ng mga dapat mong malaman tungkol sa akin."

"No, don't call me, Sir. Sanayin mong tawagin ako sa pangalan ko kapag tayo lang dalawa at tatawaging nating love ang isa't isa sa harap ng ibang tao, naiintindihan mo ba?"

Tumango siya kahit pinuproseso pa ng utak niya ang lahat. Handa ba siya sa mga ganoong pangyayari? Baka masira lang ang pagpapanggap nila.

Gusto sana niyang tanungin kung bakit kailangan nitong magbayad ng malaki para sa pekeng asawa nito. Wala ba itong girlfriend na pwedeng pakasalan. Kung sabagay, magpapakasal ba ito sa kaniya kung may girlfriend ito.

"And about your brother, don't worry about him. Dahil nasa poder ko kayo, responsibilidad ko kayong dalawa kaya kumuha ako ng personal nurse, caregiver at doctor niya para regular siyang mache-check up. Kung may problema ka, don't hesitate to tell me, ok?"

Tumango siya. Sadya bang mabait si Grayson o dahil kailangan lang nito ang serbisyo niya? Nalungkot siya bigla nang maalalang buntis siya. Paano kapag nalaman nito na nagdadalang tao siya? Malalaman ng lahat na contract marriage lang ang namagitan sa kanila at walang tunay na pagmamahal. Hindi kaya mas malalagay sa kahihiyan si Grayson dahil disgrasyada ang nakuha nito?

Pilit siyang ngumiti. "S-salamat, Sir—"

"Grayson," seryosong pagtatama nito sa kaniya.

"G-Grayson. Salamat dahil malaking tulong sa kapatid ko lahat ng ginawa mo. You saved him...you save me at malaking utang na loob ko iyon sa iyo. Lumitaw ka nang mga panahong hindi ko na alam ang gagawin ko. H-hindi ko kakayanin kapag pati si Nonoy nawala sa akin. Siya na lang ang meron ako," puno ng lungkot na sabi niya.

Napasinghap si Grayson at umiwas ng tingin sa kaniya.

"Sige, ako nang bahala, Naomi. Pwede ka nang bumalik sa silid mo."

Tumango siya at tumayo na sa pagkakaupo. Aalis na sana siya nang maisip niya na dapat nitong malaman ang tungkol sa pagbubuntis niya.

Bumuntong-hininga siya. "P-pero, Grayson m-may kailangan kang malaman tungkol sa akin."

"What?"

"I'm—" Hindi na niya natapos ang sasabihin nang makaramdam siya ng pagkahilo at pagdilim ng paningin. Napakapit siya sa gilid ng upuan.

"Hey! N-Naomi, what happened? Are you—" 

Tuluyan siyang nawalan ng lakas at nawala ang paningin. Bumagsak siya pero hindi sa sahig kung 'di sa makikisig na bisig ni Grayson.