Chapter 4

Bumagsak ang balikat ni Marga nang mapagtanto ang sinabi ni Brandon. Nang pumasok siya sa Fowler Family ay mas bata pa siya kesa kay Cathy, pero nagawa niya naman ng mabuti ang mga trabaho niya. Naputol ang pag-iisip ni Marga nang biglang nagsalita si Brandon. 

“I have not mentioned the annulment to Grandpa yet,” saad ni Brandon.

Umawang ang labi ni Marga. Wala rin siyang balak sabihin ang tungkol doon dahil nagpapagaling pa matanda sa bahay nitong mga taon. Baka mabinat ang Lolo ni Brandon kapag nabalitaan ang tungkol sa kanila. Kahit na hindi gaanong maayos ang relasyon nilang dalawa, baka hindi kakayanin ng matandar na marinig ang tungkol sa pagpapawalang-bisa ng kasal.

Bumaba ang paningin ni Marga. “Sasabihin ko sa kaniya ang tungkol sa annulment kapag naging mabuti na ang kalagayan niya.” 

Binalot ulit sila ng nakakabinging katahimikan. Uminom ng wine si Marga ng gabing ‘yon at hindi man lang kumain ng hapunan dahil walang siyang gana. Marami siyang iniisip, sobrang gulo ng isipan niya. Hindi niya namalayang nakatulog pala siya sa loob ng sasakyan. 

Hindi mapigilan ni Brandon na pagmasdan si Marga na mahimbing ng natutulog nang mapansin nito ang maputlang mukha. Nangunot ang noo ni Brandon habang binubuhay ang makina ng sasakyan. Dadalhin niya sa ospital si Marga dahil hindi na normal ang kulay ng balat nito. 

Habang nasa biyahe patungong ospital ay naalipungatan si Marga. Luminga-linga siya sa paligid at tumingin kay Brandon. “Saan tayo pupunta?” curious niyang tanong. Her voice was a little horse. 

“Dadalhin kita sa ospital. Mukhang masama na naman ang pakiramdam mo.” SInulyapan siya ni Brandon. 

Biglang kinabahan si Marga nang hindi niya alam. Sumagi sa isipan niya nang tanungin siya ni Brandon kung buntis ba raw siya. “Masakit lang ang tiyan ko. Hindi kasi ako kumain ng hapunan. Hindi rin naman ako nagugutom. Uuwi na lang ako upang makapagpahinga.”

Matalim siyang tinititigan ni Brandon. Hindi na rin mapigilan ng lalaking mag-alala, ayaw niya lang ipahalata kay Marga na nag-aalala pa rin siya sa kalusugan nito. “Okay. I’ll take you home.”

Nang makauwi na si Marga sa bahay ay kaagad niyang tinawagan ang kaniyang kaibigan na si Caroline upang bumili ng pregnancy test. Kinakabahan na siya dahil ilang araw na siyang may morning sick. Pili rin ang mga pagkaing kakainin niya hindi katulad dati na kahit ano ang pagkaing nasa hapag ay kakainin niya. 

***

Kahit masama ang kaniyang pakiramdam ay pumunta pa rin siya sa welcoming party ng mutual friends nila ni Brandon na si Kanata Cruz. Sinadya talagang imbitahan ni Kanata sina Brandon at Marga dahil gusto niyang magkaayos ang dalawa. Hindi siya makapaniwala na tuluyan na ngang naghiwalay ang dalawang matalik niyang kaibigan. Para sa kaniya, baka siya ang magiging daan upang magkaayos ang mga ito. 

Nang mapansin ni Kanata ang pagdating ni Marga ay bigla siyang nagsalita, “Totoo ba ang nabalitaan ko, Brandon? Si Cathy ang dahilan kaya kayo naghiwalay?”

Umangat ang gilid ng labi ni Brandon dahil sa tanong ng kaniyang kaibigan. Hindi niya aakalaing sa mismong kaibigan niya manggagaling ang tanong na ‘yon. Sa pagkakaalam niya, pareho nilang desisyon ni Marga ang paghihiwalay dahil alam nilang walang patutunguhan ang kanilang kasal. Hindi nila mahal ang isa’t isa at pareho lang silang napilitang magpakasal noon. 

“Napag-usapan namin ng maayos ni Marga ang tungkol sa hiwalayan.”

“Ano ba ang nakikita mo sa kapatid niya na hindi mo nakita sa kaniya, Brandon? Maganda naman siya, matalino, may pinag-aralan, at halos lahat ng kompanya ay pinag-aagawan siya dahil magaling siya sa pagpapatakbo ng kompanya. Malaki rin ang naging kontribusiyon niya sa iyong pamilya. Niligtas ka nga niya noon sa mga magnanakaw. Nagtataka ako kung bakit hanggang ngayon ay parang hindi mo nakikita ang halaga niya? Dahil ba galing siya sa isang mahirap na pamilya? O may mas malalim ka pang dahilan?” Ngumisi si Kanata at uminom ng wine. Pinaglalaruan niya ang wine glass habang hinahanap sa paligid si Marga dahil bigla itong nawala sa paningin niya. “Kung hiwalay na talaga kayo, baka bigla mong pagsisihan ang iyong desisyon, Brandon.”

“I won’t regret the decision that I have made, Kanata. Wala akong nararamdaman sa kaniya kahit tatlong taon na kaming nagsama sa iisang bubong. Hindi mo rin ako mapipilit kung ayaw ko talaga sa kaniya. Let’s just say, Marga and I are not suitable. Ang layo ng agwat namin sa buhay.”

“Pag-isipan mo ng mabuti ang naging desisyon mo, Brandon. Ayaw kitang pangunahan, pero baka magsisi ka sa huli. 

Nang marinig ni Marga ang pinag-usapan ng dalawa ay mabilis siyang nag-text kay Kanata na may importante siyang gagawin na appointment kasama si Caroline. Ang totoo, ayaw niya lang makita si Brandon. Mabilis niyang nakita sa paligid si Caroline kaya kaagd niya itong pinuntahan.

“Buntis ka ba?” diretsong tanong ni Caroline sa kaniya nang inabot nito ang pregnancy test.

Tinanggap kaagad ni Marga ang pregnancy test at tinago sa loob ng bag niya. “Hindi ko alam. Ilang araw na akong nilalagnat. Palagi rin akong nagsusuka. Hindi pa rin ako dinadatnan ngayong buwan.” Ginulo ni Marga ang kaniyang buhok. Hindi niya alam kung ano ang gagawin niya kapag napatunayang siya ay nagdadalang-tao. “Hindi ako pwedeng mabuntis. Hindi matatanggap ni Brandon ang anak namin. He hates me. Hiwalay na rin kami.”

Pati si Caroline ay hindi na rin mapakali. “Paano kapag buntis ka talga? Ano ang gagawin mo? Ipapalaglag mo ang bata? Malaking kasalanan ‘yon, Marga!”

Hinawakan ng mahigpit ni Marga ang pregnancy test. Nawala siya sa mood nang maisip ang posibleng gawin ni Brandon kapag nalaman nitong magkakaanak na silang dalawa. Baka si Brandon pa mismo ang mag-uutos sa kaniya na ipalaglag ang batang nasa sinapupunan niya dahil hindi ito matanggap.

Sa sumunod na araw, nang makabalik na siya sa trabaho, bigla niyang naalala ang tungkol sa pregnancy test na nasa loob ng kaniyang bag. Ilang araw at gabi na siyang hindi makatulog at mapakali sa kaiisip kung buntis ba talaga siya. Pumunta siya sa CR, para siyang binuhosan ng malamig na tubig nang makita ang dalawang linya sa hawak niyang pregnancy test. Buntis siya. Magkakaanak na silang dalawa ni Brandon, pero ramdam niya na kaagad ang sakit dahil alam niyang hindi matatanggap nito ang kaniyang pagbubuntis.