Ang sundo

### AKIN KA LANG, ADYLIN

### Chapter 3: Ang Sundo

6:00 AM.

Hindi pumasok si Adylin sa isip na susunduin talaga siya. Akala niya pananakot lang yung text.

Pero nandoon nga.

Sa labas ng gate nila sa Bacoor, nakaparada ang itim na Hilux. Malinis, bagong carwash. At nakasandal doon si Aldrich Bautista.

Naka-white t-shirt lang, black jeans, at kape sa kamay. Dalawa. Isang black, isang may gatas. Para bang boyfriend na naghihintay.

"Ady! Sino yun? Ang gwapo!" bulong ni Marie na nakasilip sa bintana habang nag-toothbrush.

"Si Aldrich yun! Yung may-ari ng hardware!" bulong pabalik ni Mark. "Ate Ady, nanliligaw ba yan sayo? Porma oh!"

"Manahimik kayong dalawa! Mauna na kayo, wag niyo na akong hintayin!" taranta si Adylin.

Lumabas si Marie, hindi pa rin tapos mag-toothbrush. "Hi! Ikaw ba yung boss ni Ady?"

Ngumiti si Aldrich, magalang. "Aldrich. Kaibigan ni Adylin."

"Marie! Pinsan niya!" At tiningnan ni Marie si Adylin nang may malisya. "Ady, una na kami ni Mark ha. Mukhang may sundo ka na eh. Ingat kayo!"

"Marie!"

Sumakay na sa tricycle ang dalawa, iniwan siyang mag-isa. Planado. Alam ni Adylin na sinadya ng pinsan niya.

Naiwan siyang nakatayo sa gate, hiyang-hiya.

"Bakit mo sinabi sa pinsan ko na kaibigan mo ako?" matapang niyang tanong kahit nanginginig.

"Ayaw mo ba?" Lumapit si Aldrich, inabot ang black na kape. "Black, no sugar, less ice. Tulad ng gusto mo."

Hindi kinuha ni Adylin. "Paano mo nalaman lahat ng tungkol sakin? Pati number ko? Stalker ka ba talaga?"

Hindi nasaktan si Aldrich. Sa halip, tumawa ng mahina.

"Adylin, sa construction business, lahat ng supplier may contact ng accounting. Nakuha ko number mo sa office. At yung tungkol sayo... madaling alamin pag interesado ka sa isang tao."

"Interesado? Eh halos hindi mo nga ako kilala!"

"Kilala kita," seryoso ulit ang mata niya. "Tatlong beses ka nang nag-deliver ng invoice sa hardware ko sa Imus. Lagi kang nakayuko. Hindi ka tumitingin sa mata. Pero nung tumingin ka sakin minsan, hindi ka na nawala sa isip ko."

Natahimik si Adylin. Naalala niya. Isang beses sa Imus, naabutan siyang umiiyak sa gilid ng hardware dahil nasiraan siya ng payong at basang-basa ang mga invoice. May nag-abot ng panyo sa kanya. Hindi niya nakita ang mukha dahil sa ulan.

Ikaw ba yun?

"Sumakay ka na. Ihahatid na kita sa Las Piñas. Traffic sa Zapote, 7:30 ka na makakarating pag nag-commute ka pa."

"Ayoko. Magko-commute ako."

"Adylin," mahina pero madiin ang boses ni Aldrich. "Ayokong nakikipagsiksikan ka sa jeep. At ayokong may ibang lalaking tumatabi sayo."

Doon na napuno si Adylin.

"Sino ka ba para pagbawalan ako? Hindi mo ako boyfriend! Hindi mo ako pag-aari!"

Lumapit si Aldrich ng sobrang lapit, halos isang dangkal na lang ang pagitan nila. Hindi siya hinawakan, pero ramdam ni Adylin ang init ng katawan nito.

"Gusto kong maging boyfriend mo. Gusto kong maging akin ka. Kaya pinagbabawalan kita. Masama ba yun?"

Diretsong tingin. Walang biro.

Pulag-pula ang mukha ni Adylin. Hindi niya alam kung magagalit o... kinikilig. Dahil sa totoo lang, walang nanligaw sa kanya nang ganito. Lahat ng nanligaw sa kanya sa Bicol, hanggang chat lang.

"Isang sakay lang. Pagdating sa office, kakalimutan kong sinigawan mo ako."

Napabuntong-hininga si Adylin. Late na siya. At nakatingin na ang mga kapitbahay.

"Isang beses lang!"

Ngumiti si Aldrich na parang nanalo sa lotto. Pinagbuksan siya ng p***o sa passenger seat.

Sa loob ng Hilux, mabango. Malamig ang aircon. Tahimik.

"Seatbelt," sabi ni Aldrich.

Nang hindi maikabit ni Adylin dahil nanginginig, si Aldrich mismo ang nagkabit para sa kanya. Sobrang lapit ng mukha nito sa kanya. Amoy na amoy niya ang pabango at ang kape.

"Adylin," bulong ni Aldrich habang nasa harap na niya ito.

"Ano?"

"Sa susunod, wag mo nang itatago yung note ko. Gusto ko nakikita ni Marie at Mark na may nagkakagusto sayo. Para alam nilang may nagbabantay sayo."

Nanlaki ang mata ni Adylin.

Paano nito nalaman na itinago niya ang note?

Umandar na ang Hilux pa-Las Piñas. At sa side mirror, nakita ni Adylin ang sarili — pulang-pula, pero nakangiti.

*Itutuloy...*