Kabanata 50

Hindi alam ni Maria kung paano gagawin ang sinabi ng matanda na linawin ang lahat kay Kanor, lahat ng mga nangyayari ngayon sa kaniya ay bago lamang. Ito ang unang beses na maipit siya sa isang komplikadong sitwasyon at alam  niya na masasaktan niya si Kanor at pwedeng masira ang pagkakaibigan nila at iyon ang pinaka-ayaw niyang mangyari.

Minsan lang siya magkaroon ng napakalapit na tao na hindi niya kapamilya, at parang hindi niya kayang sirain iyon, pero kailangan niyang linawin sa kaibigan na si Pelipe ang gusto niya. Pero kailangan pa nga ba niyang gawin iyon kung umiyak nga siya sa harapan nito noong nakaraang gabi?

Bigla siyang nakaramdam ng hiya,ngayon ay mas lalo siyang nagsisisi kung bakit nagpadala siya sa emosyon, hindi man lang niya pinigilan ang sarili na umiyak sa harapan ni Kanor dahil lang nagseselos at naiingit siya sa isang babae.

“Ang lalim yata ng iniisip mo?&