Kabanata 39

SAKAY ng kabayo ay inumpisahan namin ang paglalakbay patungo sa Prahara, umupa kami ng dalawang kabayo mula sa kakilala ni Gudan. Solo siyang nakasakay sa isang kabayo habang kami ni Sevasti ay magkasama sa isa, nasa likod ko siya at siya ang may hawak ng tali na nagmamando sa kabayo.

Binagalan namin ang takbo nito nang mapadaan kami sa isang bayan dito sa kaharian ng Widolla. Doon ay lumapit sa amin si Vivi at dumapo sa balikat ni Gudan, napagod na yata kalilipad.

Simple lamang ang lugar na ito, mas marami ang mga punong nakikita ko sa paligid. Ang mga dumaraang nilalang ay napapalingon sa amin.

Iniyakap ni Sevasti ang isang kamay sa tiyan ko na tila may aagaw sa akin, ngumiti lamang ako ay bahagyang sumandal sa kaniyang dibdib.

Tiningnan ko muna ang malapit nang magdilim na kalangitan bago bumaling kay Gudan. Mabuti ay agad kaming nakarating dito, ito na ang ikalawang bayan na dinadaanan namin, mabilis ang pagpapatakbo namin sa kabayo kanina at sigu